Intellectual Property Office of Kyrgyzstan

Марат Назарбеков КР Өкмөтүнө караштуу Интеллектуалдык менчик жана инновациялар мамлекеттик кызматынын төрагасы болуп дайындалды

Жарыяланган күнү :

01/02/2012

Бүгүн, 2012-жылдын 1-февралында КР Өкмөтүнүн Аппаратынын экономика жана инвестиция бөлүмүнүн башчысы Абдыгулов Толкунбек Сагынбаевич жаңы директорду тааныштырды.

Марат Назарбеков Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасы болуп дайындалды. Бул буйрукка премьер-министр Өмүрбек Бабанов кол койду.

Өкмөт башчысынын башка буйругу менен Ажибай Калмаматов Кыргызпатенттин жетекчилик кызматынан бошотулду.

Кыргызпатенттин жетекчилиги америкалык делегация менен жолугушту

Жарыяланган күнү :

01/02/2012

2012-жылдын 1-февралында Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын жетекчилигинин АКШнын Соода министрлигинин Коммерциялык маселелер боюнча департаментинин делегациясы менен жолугушуусу болуп өттү.

Уландысы

Кыргызпатент көчмө семинар уюштурду

Жарыяланган күнү :

23/01/2012

2012-жылдын 20-январында И. Раззаков атындагы Кыргыз Мамлекеттик техникалык университетинде Кыргыз Республикасынын Өкмөтүнө караштуу Интеллектуалдык менчик жана инновациялар кызматы тарабынан уюштурулган “Кыргыз Республикасындагы интеллектуалдык менчик” деген темада семинар болуп өттү.

Уландысы

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы токтом долбоорун коомдук талкууга коет

Жарыяланган күнү :

24/01/2012

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы “Кыргыз Республикасынын “Административдик жоопкерчилик жөнүндө” Кодексине өзгөртүүлөрдү жана толуктоолорду киргизүү жөнүндө” Кыргыз Республикасынын Мыйзамынын долбоору жөнүндө Кыргыз Республикасынын Өкмөтүнүн токтомунун долбоорун жана “Административдик жоопкерчилик жөнүндө” Кыргыз Республикасынын Мыйзамынын долбоорун коомдук талкууга коет.

Сын пикирлерди жана сунуштарды , тел.681053 дарегине жөнөтсөңүздөр болот.

6 кошумча файл

Кыргызпатенттин аталышына “инновация” деген сөз кошулду

Жарыяланган күнү :

20/01/2012

Кыргыз Республикасынын Өкмөтүнүн 2012-жылдын 12-январындагы № 12 токтомуна ылайык Кыргыз Республикасынын Мамлекеттик интеллектуалдык менчик кызматы Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы болуп кайра түзүлдү.

Кайра түзүү Кыргыз Республикасынын Жогорку Кеңешинин 2011-жылдын 23-декабрындагы № 1452-V “Кыргыз Республикасынын түзүмү жөнүндө” токтомуна ылайык Кыргыз Республикасынын Өкмөтүнүн жаңы түзүмүн бекитүүгө байланыштуу болду.