Жаңылыктар

27
May

Практикум!

“Стартап Кыргызстан” сынагынын катышуучулары үчүн Зарина Биюмбаеванын катышуусунда 28-майда практикум пландалып жатат. Практикумда катышуучулар долбоорлордун ишинин иерархиялык структурасын түзүшөт.

Зарина мурунку тренингде долбоордун жашоо цикли, милдеттердин зарылчылыгы, даярдоо пррцесси, башкаруу чечимдерин кабыл алуу жана усулдарды пайдалануу сыяктуу негизги аспекттери жөнүндө айтып берген. Андан кийин долбоор менен иштөөнүн негизги өзгөчөлүктөрү белгиленген:

1) долбоордун башынан анын бүтүшүнө чейин жалпы жашоо циклин, үзгүлтүксүз комплекстүү пландоону жана контролдоону башкаруунун зарылчылыгы;

2) Долбоорду башкаруу процессинде долбоордун жыйынтыгы менен долбоорду түзүүнүн процессине бирдей көңүл буруу;

3) долбоорду ишке ашыруу учурундагы кабыл алынган чечимдерге караганда баштапкы базада кабыл алынган чечим долбоордун аяктоо процессине жана анын жалпы баасына чоң таасир берет.

Мындан сырткары, тренер компаниялардагы долбоорлорду башкаруу үчүн колдонулган долбоорлорду башкаруунун жеткилең ыкмаларынын жана инструменттеринин топтому менен тааныштырган. Катышуучулар компаниянын долбоорлорунун кошумча процесстерин башкаруунун жана долбоордун башкы белгилеринин алкагында долбоордук документтештирүү менен иштөө, долбоордун уставын туура иштеп чыгуу жөндөмдөрүн үйрөнүшкөн.

Зарина Биюмбаева – долбоорлорду башкаруу боюнча тренер, эл аралык сертификаттуу долбоордук менеджер, ошондой эле “SAGE Kazakhstan” эл аралык долбоордун эксперттик комиссиянын төрагасы.

26
May

Вебинар “Автордук укук жана чектеш укуктардын объектилерин каттоого өтүнмөлөрдү толтуруу жана берүү”

Кыргызпатент 28-май күнү саат 11:00 “Автордук укук жана чектеш укуктардын объектилерин каттоого өтүнмөлөрдү толтуруу жана берүү” темасында вебинар өткөрөт.

Вебинардын жүрүшүндө Кыргызпатенттин адистери автордук укук жана чектеш укуктардын негиздери жана автордун чыгармаларын мамлекеттик каттоо тууралуу айтып беришет. Бардык ТИКБнын координаторлорун жана колдонуучуларын  аталган семинарга катышууга чакырабыз!

Суроолор боюнча  info@patent.kg электрондук дарек боюнча жазып, же төмөнкү телефондорго кайрылсаңыздар болот: 68 04 70, 0 (550) 40 20 50

26
May

«Финансылык пландоону окуу»

“Стартап Кыргызстан” республикалык сынагынын акселерациялык программасынын алкагында 26-майда “Финансылык пландоону окуу” аталышындагы вебинар өткөрүлдү. Онлайн-тренингдин спикери катары «Инвестмент Солюшинс» мүмкүнчүлүгү чектелген коомунун негиздөөчүсү, генералдык директору финансылык менеджмент жана талдоодо бай тажрыйбага ээ болгон  Руслан Калимов чакырылды.

Белгилей кетсек, жаңы ишин баштап жаткан стартапчылар ар качан эле финансылык план системасын жакшы түшүнө беришпейт. Дал ошондон бул көйгөй көңүл сыртында калбашы керек. Себеби, ансыз кыялдагы долбоорду ишке ашырууга болбойт. Ар бир стартапчы чектелүү ресурстардын же билимдин  шартында ийгиликтүү түрдө өзүнүн стартабын ишке киргизүү менен долбоордун башталгыч этаптарында негизги катачылыктарды кетирип албашы үчүн финансылык моделдин түзүлүшүн билүүсү шарт.

Руслан Калимов кантип сабаттуу финансылык моделдерди түзүү, багыт алуу үчүн максаттарды пландоо, кайсы көрсөткүчтөрдү эстен чыгарбоо керектиги жөнүндө айтып берди.

Мындан сырткары, төмөнкү темалар козголуп, талкууланды:

– Ишканалардагы финансылык башкаруу жана талдоо.

– Кирешелер жана чыгымдар тууралуу отчет, акча каражаттардын жүргүзүлүшү тууралуу отчет.

– Финансылык жана инвестициялык көз караштар менен өнүгүү стратегиясы.

– Кантип инвестиция тартса болот?

– Кантип финансылык моделди түзсө болот?

Спикер кайсы инструменттерди колдонсо боло тургандыгын так, даана көргөзүү менен кенен презентация жасады. Угуучулардын суроолоруна жооп берип, алар менен чогу кейстерди талдады.

Тренингдин жыйынтыгында катышуучулар кенен форматтагы кызыктуу жана жемиштүү тренинг үчүн уюштуруучуларга ыраазычылык билдиришти.

26
May

Вебинар “Стартаптын абалын алдын ала баалоо”

27-майда “Стартап Кыргызстан” республикалык сынагынын негизинде тандалып алынган ар бир долбоордун бүгүнкү процессин баалоо үчүн Грузиялык эл аралык эксперт Иракли Кашибадзенин катышуусунда ментордук сессия өткөрүлөт.

Спикер ар бир стартаптын абалын баалап, долбоор кайсы баскычта экендиги, азыркы учурда анын келечегине кандай баа берсе боло тургандыгы жана кайсы элементтерди кайрадан иштөө керектиги тууралуу кенен айтып берет.

Иракли Кашибадзе бир нече компоненттерди өзүнө камтыган Future Laboratory Georgia консалтинг компаниясынын негиздөөчүсү. Иракли жана анын командасы Грузияда ийгиликтүү түрдө технопарктарды жана инновациялык лабораторияларды ачышкан жана стартаптардын экосистемасы боюнча чоң тажырыйбага ээ.

25
May

Кыргызпатенттин акселерациялык программасы кызуу жүрүүдө

Май айынын ортосунан баштап “Стартап Кыргызстан” республикалык сынагынын I турунун жыйынтыгы боюнча тандалып алынган 30 стартап 15-июнга чейин өзүнө окутуучулук курсту камтыган, тажырыйбалук жергиликтүү жана чет элдик устаттардын коштоосунда жума сайын өткөрүлчү трекш-сессияларды коштогон Кыргызпатенттин акселерациялык программасынан өтүп жатат.

Ар күн сайын Кыргызпатент тарабынан кызматташууга тартылган Борбор Азиядагы Америка университетине (БААУ) караштуу “Devcit” командасы менен онлайн-тренингдер жана “Сколково” фондунун, Казакстан, Эстония өлкөлөрүнүн алдынкы эксперттери менен ментордук сессиялар өткөрүлүп жатат.

21-майда “Стартап-долбоорлор үчүн каржылоонун схемалары” темасында вебинар өткөрүлдү. Тренингдин спикери катары “Сколково” фондунун регионалдык өнүктүрүү багыты боюнча жетекчиси Екатерина Демидова чыгып сүйлөдү. Тренингдин темасы жаңы ишин баштап жаткан стартапчылар үчүн аябай актуалдуу болду десек болот. Себеби дегенде, ар бир ишкерди өзүнүн долбоорун каржылоо булактары жана инвесторлорду тартуу тууралуу маселелери ойлондурат. Онлайн жолугушууда бизнес-моделдин стратегияларына, инвесторлорду издөө жана алар менен сүйлөшүү жүргүзүү маселелерине, келишимдерди түзүүлөргө байланыштуу суроолор каралды. Белгиленген темалар боюнча тренингдин деталдык презентациясы даярдалды. Анда лектор “Сколково” инновациялык борбору жана кызматташуу мүмкүнчүлүктөрү тууралуу айтып берди. Спикер тарабынан практикалык бөлүк каралып, анда катышуучулар лектор менен маектешүү жана тема боюнча ар түрдүү суроолорду берүү мүмкүнчүлүгү болду. Мындан сырткары, угуучулар “Сколково” фондунда окуу жана тажырыйба алмашуу мүмкүнчүлүктөрүнө кызыгышты

Маркетинг баарына таасир этет: продуктка, сатууга, бааны түзүүгө, логистикага. Мисалга, маркетинг ким керектөөчү болуп саналарын, кандай баа ал үчүн ыңгайлуу болорун жана продукту алууга кандай шарттар ыңгайлуу болорун аныктайт жана ушунун баары бааны түзүүгө жана сатуу жайларына таасирин тийгизет.

22-майда БААУга караштуу инновациялык колледжинин өнүктүрүү боюнча директору Елена Барановски “Маркетинг жана сатуу” темасында онлайн-практикум өткөрүп, практикумда төмөнкүлөр тууралуу айтып берди: Стартаптын башкы максаты кардарларды тартуу жана акча иштөө. Ал эми маркетингдин максаты – ошол кардарларды тартып келүү жана стартаптын акча табуусуна көмөктөшүү. Маркетинг стартап үчүн алгач гипотзаларды текшерүү жана коммуникациянын оптималдуу каналдарын издөөгө окшош, а продукту алгылатууга маркетологду ишти баштагандан тарта тартуу керектелет.

Онлайн жолугушуунун жүрүшүндө Елена мындан сырткары, максаттуу аудитория бардык маркетингдик ишмердиктин маанилүү аспекти болуп эсептелерин; Товарга максаттуу аудиториянын болуусу керектөөчүлөрдүн тобуна багат алууга, алар үчүн идеалдуу товарды түзүүгө, аны туура коммуникация менен аларга керектүү жерде сатууга мүмкүндүк берерин;  Стартаптын маркетингдик компаниясынын эффективдүү критерийлери болуусу шарт экендиги; Маркетолог өзү үчүн ИНКны (KPI) (ийгиликтин негизги көрсөткүчтөрү) аныктап алып, бардык аракетти максатка жетүүгө багыттоо керектиги, анан сөзсүз түрдө жыйынтыктарды тестирлөө керектигин; Тестирлөө коммуникациянын кайсы каналдары жана усулдары иштеп жаткандыгын, кайс бирисинен убакытты жана каражатты үнөмдөө үчүн баш тартса боло тургандыгын аныктоого жардам берерин айтып өттү.

Спикер компаниянын жаңылыктарын көрсөтүүнүн, маркетингдик активдүүлүктү ананстоонун, кардарлар менен түздөн-түз байланышуунун негизги шарттуу акысыз түрдөгү  коммуникациялык каналдардын бири экендигин белгиледи. Эгер кеп имиджди түзүү, белгилүү аудитория үчүн такталган мессенджерди түптөө, түздөн-түз болбогон каналдарды рационалдуу пайдалануу тууралуу жүрсө: социалдык тармактар, инстаграмм, ЖМК, компаниялардын сайттары ж.б. Баракчалардын функционалы алгылатуунун стратегиясын жөндөөну, жарнама менен сапаттуу иштөөнү, пайдалануучуларга акциялар, арзандатуулар тууралуу оперативдүү билдирип турууну, жаңы кардарларды тартуу боюнча иш-чараларды ишке ашырууну шарттайт.

Андан кийин Елена кейстерди практикалык түрдө талдоого негизделген тирүү маек уюштурду. Ар бир каалоочу өз долбоорун презентациялап, спикер менен бирге продуктун конкреттүү артыкчылыгы жана максаттуу аудиториясы жөнүндө талкуулоого мүмкүнчүлүк түзүлдү. Кейстерди талдоодо тренер максаттуу аудитория менен иштөөнүн базалык принциптери жөнүндө айтып, ар бир катышуучу менен максаттуу аудиториянын портретин түзүштү.

23-май күнү “Стартапчылардын типтүү катачылыктары” аталышында онлайн-жолугушуу өткөрүлдү. Тренингге спикери катарында жаңы иш баштап жаткан стартапчылардын өсүүсүнө жана инвестицияларды алууга тоскоолдук кылган негизги катачылыктарын талкулоо үчүн “Сколково” фондунун Вице-президенти Александр Окунев чакырылды.

Александр Окунев жаңы ишин баштаган стартап-долбоорлордун ишкерлердин негизги көйгөйлөрү, болжолдуу эсептөөлөрдү өз жолунда басып өтүү тууралуу иш жүзүндө эмне болуп жаткандыгын көрсөткөн реалдуу мисалдарды келтирүү менен айтып берди.

Спикер өз сөзүндө бир нече негизги катачылыктарды белгиледи: жеке бизнеске болгон соо эмес көз карашты, долбоордон күткөнүң ар качан эле рыноктун талабы болуп жаткан процесстерге төп келе бербейт тургандыгын айтты. Мындан сырткары, социалдык тармактардагы алгылатуудагы катачылыктар тууралуу айтылды. Окуневдун сөзүнө таянсак, продукт боюнча пиар иштерин жүргүзүүнүн чеги менен социалдык тармактарда убакытты коротуунун айырмасын билүү маанилүү. Спикер жумуштун эффективдүүлүгүн жогорулатуу үчүн жумушту бөлүштүрүүгө кишилерди тартуу, өздүк иш милдеттерди бөлүштүрүүнүн үстүндө иштөө керектигин баса белгиледи.

25-майда Казакстандык эл аралык спикердин катышуусундагы “Долбоорлорду башкаруунун өкүлчүлүктөрү” темасында кезектеги тренинг өткөрүлдү. Тренингдин спикери катары долбоорлорду башкаруу боюнча тренер, эл аралык сертификаттуу долбоордук менеджер, ошондой эле “SAGE Kazakhstan” эл аралык долбоордун эксперттик комиссиянын төрагасы Зарина Биюмбаева чакырылды.

Зарина долбоордун жашоо цикли, милдеттердин зарылчылыгы, даярдоо пррцесси, башкаруу чечимдерин кабыл алуу жана усулдарды пайдалануу сыяктуу негизги аспекттери жөнүндө айтты. Андан кийин долбоор менен иштөөнүн негизги өзгөчөлүктөрү белгиленди:

1) долбоордун башынан анын бүтүшүнө чейин жалпы жашоо циклин, үзгүлтүксүз комплекстүү пландоону жана контролдоону  башкаруунун зарылчылыгы;

2) Долбоорду башкаруу процессинде долбоордун жыйынтыгы менен долбоорду түзүүнүн процессине бирдей көңүл буруу;

3) долбоорду ишке ашыруу учурундагы кабыл алынган чечимдерге караганда  баштапкы базада кабыл алынган чечим долбоордун аяктоо процессине жана анын жалпы баасына чоң таасир берет;

Мындан сырткары, тренер компаниялардагы долбоорлорду башкаруу үчүн колдонулган долбоорлорду башкаруунун жеткилең ыкмаларынын жана инструменттеринин топтому менен тааныштырды. Катышуучулар компаниянын долбоорлорунун кошумча процесстерин башкаруунун жана долбоордун башкы белгилеринин алкагында  долбоордук документтештирүү менен иштөө, долбоордун уставын туура иштеп чыгуу жөндөмдөрүн үйрөнүштү.

Зарина Биюмбаеванын катышуусунда 28-майда өткөрүлүүчү кийинки  практикумда катышуучулар долбоордун ишинин иерархиялык структурасын түзүшөт.

Ар бир онлайн-жолугушуунун аягында катышуучулар өздөрүнүн стартап-долбоорлорунун мисалында суроолорду беришип, көлөмдүү интерактивдүү жана мазмундуу тренингдер үчүн ыраазычылык билдиришти.

25
May

Тренинг “Финансылык моделдештирүү жана салыктар”

О26-май саат 17:00дө “Енот” интернет-басмасынын негиздөөчүлөрүнүн бири, КРда Ticketon билеттерди сатуу боюнча онлайн-сервисинин директору Даниэль Абдылдаевдин спикерлигинин астында “Финансылык моделдештирүү жана салыктар” темасында онлайн тренинг өткөрүлөт.

Вебинардын жүрүшүндө финансылык пландарды иштеп чыгуунун практикалык жөндөмүнө ээ болуу тууралуу сөз жүрөт

Тренингге катышууну каалагандар катталуу үчүн төмөнкү телефон номерге кат жазса болот:
+996 (779) 52 70 90

Эскерте кетсек, Кыргызпатент “Стартап Кыргызстан” республикалык сынагынын акселерациялык программасын жүргүзүүнү улантып жатат.

Бир ай ичинде I-турдун жыйынтыгы менен тандалып алынган 30 стартаптын авторлору Борбор Азиядагы Америка университетине караштуу Devsit командасы тарабынан жаңы билим жана эксперттик колдоо алышат. Мындан сырткары, стартап жана бизнес жаатындагы Сколоково, Казакстан, Эстониялык жана жергиликтүү алдыңкы эксперттер менен бирге өздөрүнүн долбоорлорунун үстүнөн иштөө мүмкүнчүлүгүнө ээс болушат.

Акселерациялык программа инновациялык идеяларды жана технологияларды кеңейтүүгө, долбоордун потенциалдык өсүү чекитин жана көйгөйлүү жерлерин аныктоого, бизнести өнүктүрүүнү тездеткен бар болгон ресурсту колдонуу мүмкүнчүлүгүн алууга, пайдалуу байланыш тарамдарын кеңейтүүгө көмөктөшөт. Эскерте кетсек, сынактын финалында мыкты деп аталган стартаптар 500 000 сомго чейин финансылык колдоо алышат.

Маалымат иретинде:

Даниэль Абдылдаев Кыргызстандагы Ticketon онлайн-билеттерди сатып алуу боюнча Орто Азиядагы чоң сервистин директору болуп саналат.

25
May

Тренинг: “Долбоорлорду башкаруунун өзгөчөлүктөрү”

Бүгүн саат 17:00дө “Стартап Кыргызстан” республикалык сынагынын стартапчылары үчүн кезектеги “Долбоорлорду башкаруунун өзгөчөлүктөрү” темасында тренинг өткөрөбүз. Спикер катары тажырыйбалуу эл аралык эксперт Зарина Биюмбаева чыгып сүйлөйт.

20
May

Тренинг: “Башкаруунун заманбап инструменттери”

Биз “Стартап Кыргызстан” республикалык сынагынын стартапчылары үчүн бизнес акселерацияны улантабыз.

Долбоорлорду башкарууга кабылган ар бир киши долбоорлордун натыйжасын көрүү үчүн ар качан өзгөрүлүп туруучу шарттарда, жамааттык татаал жумушту уюштуруу түйшүгүн түшүнөт, бардык көрүлгөн аракеттер пайдасыз болуп калышы да мүмкүн. Ушундай долбоорлор менен иштөөдө ийкемдүү ыкма болгон Agile, Scrum, Kanban аталышындагы долбоорлорун башкаруу өтө ыңгайлуу жана идеалдуу туура келет. Дал ушулар боюнча, “Башкаруунун заманбап инструменттери” темасында 20-май күнү өткөрүлгөн, эки жарым саатка созулган вебинардын спикерлери “Компаньон” банкынын кызматкери Мамбетова Ажара жана “Светофор” интернет маркплейсинин маркетинг-контенти бөлүмүнүн башчысы Чилмергенова Фариза кенен түшүндүрүп беришти.

Спикерлер аgile, scrum, кanban тууралуу негизги билим берип, кардарды жана анын зарылчылыгын жакшы түшүнө билүүгө, тез арада, минималдуу ресурстарды пайдалануу менен жаңы продуктуларды рынокко чыгарууга көмөктөш болгон долбоорлорду башкаруунун инструменттери, ошондой эле, scrum негизинде программалык камсыздоону иштеп чыгууга болгон ыкмалар тууралуу баяндашты.

Вбинардын жүрүшүндө спикерлер IT компанияларда, бизнес секторундагы компанияларда реалдуу абалда Agile туура колдонууну мисалдар менен даана көрсөтүшүп, команда менен эркин өз ара түшүнүшүү, долбоордун натыйжалуулугу, кардар менен өнөктөштүктө пикир алышуу жана өзгөрүүлөргө болгон даярдык өңдүү негизги ролду ойногон баалуулуктарды белгилешти. Scrum процесстер уюмдарды бизнес максаттардын өзгөрүшүнө жооптуу болгон, тез өзгөрүүчү шарттарга жана продуктарды түзүүгө жеңил ыңгайлашууга көмөкчү болот. Scrum натыйжалуу жыйынтыктардын сапатын жогорулатууну, долбоордун сценарийин, иштин этабын так баалоону жана мыкты көзөмөлдөөнү шарттайт.

Ажара Мамбетова командадагы жумушту жолго салуучу жана милдеттерди өз мөөнөтүндө аткаруучу так жана даана милдеттерди коюунун маанилүүлүгүн белгиледи. Туура милдеттерди түзүүнүн мисалы болуп дааналык жана тактык эсептелинет, алардын бири Trello программасы – милдеттерди түзүү жана мониторинг жүргүзүү үчүн жөнөкөй жана ыңгайлуу инструмент.

Кызыктуу жана пайдалуу онлайн жолугушуунун алкагында көптөгөн суроолор жана кейстер талкууланды жана коомдук фондун спикерлери мындан аркы кызматташтыкка өз ара кызыктар экенин билдиришти.

20
May

“Стартап Кыргызстан” сынагынын бизнес акселерациясы башталды

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы (Кыргызпатент) жергиликтүү жана эл аралык эксперттер менен өнөктөштүктө республикалык “Стартап Кыргызстан” сынагынын катышуучуларын окутууну жүргүзүүдө.

Онлайн-режимдеги биринчи вебинар “Стартап үчүн CRM-система сатууларды жана милдеттерди башкаруу” темасында өткөрүлдү. Спикер катарында комплекстүү IT-чечимдерди жандандыруучу, бизнес турмушун жеңилдеткен, Кыргызстандагы алдыңкы компаниялардын бири болгон “CRM Technologies” компаниясынын генералдык директору Улан Джумашев чыгып сүйлөдү. Улан Джумашев CRM системасынын программалык камсыздоодогу орду, мындан сырткары, системаны бизнес-системаны жөндөө ыкмасы катарында кантип пайдаланса болот тургандыгы тууралуу айтып берди. Спикер кардарларды тартууга жана сатуунун өсүүсүнө шарт түзгөн стартапты жөндөө системасынын иштөөсүн көрсөтүү үчүн катышуучулардын ар биринин долбоорунун мисалында CRM кенен түшүндүрдү. Анан да лиддер жана лиддердин скоринги менен иштөөнү жеңилдеткен CRM-системасын кантип колдонуп жана аны  кантип уюштурса болот тургандыгын көрсөтүп берди. Катышуучулар тарабынан лиддерди тартуу маселеси, сатууну таратуу ыкмасы кандай иштейт, өздөрүнүн долбоорлорунда CRM-системасын колдонууда кандай артыкчылыктарды эске алуу керектиги жөнүндөгү суроолор берилди.

Кыргызпатент атайын стартапчылар үчүн “Сколково” фондунун вице-президенти Александр Окуневдун катышуусундагы “Натыйжалуу менеджмент, “Сколково” командасынын тажырыйбасы” аталышындагы ментордук сессияны уюштурду.
“Сколково” фонду инновациялык чөйрөдөгү демилгелерди колдоого алган, мындан сырткары, “Стартап Кыргызстан” сынагынын жыйынтыгы менен тандалып алынган турмушка ылайыктуу долбоорлорду жана стартаптарды биргеликте көмөктөшүүгө жана ишке ашырууга кызыкчылыгын билдирген Кыргызпатенттин өнөктөшү.

Окунев “Сколково” инновациялык борборунун экосистемасынын структурасы жана эволюциясы, резидент катары калыптануу жолу тууралуу айтып өттү. Анын пикиринде резидент статусуна талапкер болгон долбоорлор келечектүү делген IT, БиоМед, ЭнергоТех, ЯдерТех жана Космос тармактарына байланыштуу болуусу керек. Резидент статусун алууга өтүнмө берүү үчүн сөзсүз түрдө юридикалык жак болуу зарыл эмес. Сессия учурунда санариптештирүү чөйрөсүндө долбоорлорду ишке ашырууну, долбоорлорду өнүктүрүү үчүн мүмкүн болгон инфраструктураны пайдалануу зарылчылыгын шарттаган мамлекеттик программалардын баалуулугу белгиленди.

Ушуга кошумча, Александр Окунев жаңы башкаруучулук инструмент – натыйжалуу менеджмент туурасында баяндап, ал менеджмент компаниянын ишмердигиндеги негизги инструмент экенин белгилеп өттү. Ал эми продакт-менеджердин баалуулугун өзүнчө бөлүп карады. Себеби дегенде дал ушул продакт-менеджер продуктунун кимге керектиги, кайсы бизнести өзүнө тартса боло тургандыгы, рыноктун канчалык үлүшүнө басым койсо боло тургандыгы туурасында ойлонуп, эсебин чыгарат. Сессиянын катышуучулары продакт-менеджер менен маркетологдун базалык айырмачылыктары жөнүндө түшүнүк алышты. Маркетолог туура жарнамалоо, сатууну жүргүзүү боюнча иш алып барса, продакт-менеджер аябай белгилүү продуктулар продуктунун сапатын жакшыртууга максималдуу багытталганын жакшы биле тургандыгы баса белгиленди.

Жалпысынан ментордук сессия ачык-айкын жана жогорку маанайда өткөрүлдү. Катышуучулар өздөрүнүн долбоорлорунун мисалында жарыш суроого чыгышып, чоң кызыгууну билдиришти. Көбүнчө суроолор стартапчылар үчүн кошумча программаларга жана пайдалуу байланыштарды алмашууга байланыштуу болду.
Алдыңкы бир ай бою “Стартап Кыргызстан” республикалык сынагынын стартапчылары үчүн уюштурулган күн сайын өткөрүлүүчү бизнес акселерациясы улантылат.

17
May

Кыргызпатент “Стартап Кыргызстан” республикалык сынагынын акселерациялык программасын онлайн форматта улантат

Кыргызпатент “Стартап Кыргызстан” республикалык сынагынын акселерациялык программасын онлайн форматта улантат.

Бир ай ичинде I-турдун жыйынтыгы менен тандалып алынган 30 стартаптын авторлору Борбор Азиядагы Америка университетине караштуу Devsit командасы тарабынан жаңы билим жана эксперттик колдоо алышат. Мындан сырткары, стартап жана бизнес жаатындагы Сколоково, Казакстан, Эстониялык жана жергиликтүү алдыңкы эксперттер менен бирге өздөрүнүн долбоорлорунун үстүнөн иштөө мүмкүнчүлүгүнө ээс болушат. Акселерациялык программа инновациялык идеяларды жана технологияларды кеңейтүүгө, долбоордун потенциалдык өсүү чекитин жана көйгөйлүү жерлерин аныктоого, бизнести өнүктүрүүнү тездеткен бар болгон ресурсту колдонуу мүмкүнчүлүгүн алууга, пайдалуу байланыш тарамдарын кеңейтүүгө көмөктөшөт. Эскерте кетсек, сынактын финалында мыкты деп аталган стартаптар 500 000 сомго чейин финансылык колдоо алышат.

Эмесе, биринчи трениг “CRM-стартап үчүн система – сатууларды жана милдеттерди башкаруу” темасында 19-майда саат 13:00 өткөрүлөт. Спикер иретинде “CRM Technologies” компаниясынын генералдык директору Улан Джумашев чыгып сүйлөйт. Вебинарда катышуучулар төмөнкү мүмкүнчүлүктөрдү ала алышат:

– Стартап үчүн CRMдин кареги эмнеде?
– CRM-системаны кантип колдонсо болот?
– Кардарлардын базасын, лиддердин жана сатуудардын эсебин кантип жүргүзсө болот?
– Команда үчүн CRMде таск-менеджментти кантип колдонсо болот?

Тренингге катышууну каалагандар төмөнкү номерлер боюнча байланышып, каттоодон өтсө болот: (996) 550230303, (996) 704778164.

Спикер тууралуу кыскача:

Улан Джумашев (Ulan Dzhumashev) – Кыргызстандагы алдыңкы компанияларынын бири болгон, бизнестин ишин жеңилдетүү үчүн комплекстүү IT-чечимдерди жандандырган “CRM Technologies” компаниясынын негиздөөчүлөрүнүн бири жана анын генералдык директору. “CRM Technologies” компаниясы сатуу жана маркетинг бөлүмдөрүн автоматташтыруу, CRM-системаларды жандандыруу, кеңселерди телефондоштуруу, байланыш-борборлорун (тексттик байланыш-борборлорду, онлайн салттарды), электрондук документ жүгүртүү жана техникалык колдоону жандандыруу боюнча долбоорлорду ишке ашырууга адистештирилген.