Жаңылыктар

26
Aug

Эл аралык эксперт Иракли Кашибадзенин катышуусунда вебинар өткөрүлдү

Startup Guide онлайн иш-чаралардын алкагында 25-августта Грузиялык эл аралык эксперт Иракли Кашибадзенин катышуусунда вебинар өткөрүлдү. Эксперт ар түрдүү долбоорлорду түзүү боюнча тажрыйбасы менен бөлүшүп, инновациялык өнүгүүнүн элементи катары креативдүүлүктүү өнүктүрүү тууралы айтып берди.
 
Вебинардын жүрүшүндө спикер инновациялык өнүгүү баскычында маалымат жана билим чоң социалдык-экономикалык эффектке ээ болгон идеянын жана креативдүү ой жүгүртүүнүн предметине жана каражатына айланары, ошону менен бирге жаңы баскычка өткөн сайын мурунку баскычтагы жетишкендиктер сакталып, өнүгүп отуруп жогорку деңгээлге көтөрүлө тургандыгы туурасында кеп козгоду. Азыркы учурда өнүккөн өлкөлөрдө креативдүүлүк ар дайым болуучу практикага жана атаандаштыктагы артыкчылыктын булагы катары кабылданып калды. Практикага көз чаптырсак, кайсы гана өндүрүш болбосун жыйынтыгында чыгармачылык потенциалы жогору болгон тарап жеңүүчү аталат.
 
Иракли креативдүүлүктүн төмөнкү негизги формаларын белгиледи:
– илимий (ачык);
– техникалык (ойлоп табуу);
– экономикалык (ишкердик);
– көркөм (искусство);
– социалдык (адамдарга тиешелүү);
– саясий (мамлекеттик башкаруу).
 
Чыгармачыл кишилер жана уюмдар кретивдүүлуктүн булагы болуп саналат. XXI кылымда кретивдүүлүк, критикалык ой жүгүртүү, коммуникация, эмоционалдык интеллект, комплекстүү көйгөйлөрдү чечүү жөндөмү эң бир керектүү сапаттардын бири болгондугуна байланыштуу, жогорку окуу жайларынын жана мектептердин милдети – келечектин адистерин даярдоо болуп саналат.
 
Креативдүү билим берүү – адамдын чыгармачылык жөндөмүн өнүктүрүүгө жана аны инновацияларды издөөгө, ишмердиктин көйгөйлөрүн, варианттарын талдоого профессионалдык түшүнүктүү киргизүүгө, болумушту өз алдынча ойлонууга шыктандырууга, жеке индивидуалдуулукту өз алдынча таануу, билимди ой жүгүртүү жана өзүн өнүктүрүү потенциалына айландырууга багытталган билим берүү. Креативдүү ой жүгүртүү өзүнө ишенүүнү, аактивдүүлүктү, лидердик жана тобоокелдикке баруу жөндөмүн талап кылат. Креативдүүлук томонкү сапаттарга көз каранды: ойлоп табуучулук, жаңы ой жүгүртүү базасында чечимдерди табуу, эксперимент жүргүзүү кызыкчылыгы, көйгөйдү ар тараптуу карап көрүү, рефлексияга жана тынымсыз окууга болгон шык, кайра-кайра жаңы идеяларды ойлоп табуу. Спикер өз сөзүндө, ушул жана башка кызыктуу маалыматтар менен бөлүштү.
 
Вебинардын аягында катышуучулар спикерге жана уюштуруучулага ыраазычылыгын билдиришти.
 
Иракли Кашибазе – Грузиядагы бир нече компоненттерди өзүнө камтыган “Future Laboratory” консалтингдик компаниясынын негиздөөчүсү. Иракли жана анын командасы ийгиликтүү түрдө технопарктарды жана инновациялык лабораторияларды ачышып, “Стартап Грузия” программасын ишке киргизген.
25
Aug

Укук ээлеринин коомдоштуктарынын Евразиялык конфедерациясынын (УЭКЕАК)  башкы Ассамблеясынын отуруму болуп өттү

Жыл сайын өткөрүлүүчү Укук ээлеринин коомдоштуктарынын Евразиялык конфедерациясынын (УЭКЕАК)  башкы Ассамблеясынын отуруму 25-август күнү онлайн форматта өткөрүлдү. Катышуучулар 2019-жылдагы аткарган иштердин жыйынтыктарын жана 2020-жылга карата уюмдун өнүгүү стратегиясын талкуулашты.

УЭКЕАК автордук укук чөйрөсүндөгү негизги өнөктөштөрдүн бири болуп саналата. 2017-жылдын май айынан тарта Кыргызпатент УЭКЕАКтын ыйгарым укуктуу мүчөсү болуп саналат. Бирге ишке ашырган чоң долбоорлордун бири катары  “ГИПЕРГРАФ” программалык продуктун ишке киргизүүсүн айтсак болот. Азыркы учурда аталган долбоордун алкагында Кыргызпатент тарабынан авторлор жана укук ээлеринин укуктарын жана кызыкчылыктарын коргоону, маалымат алмашууну жеңилдетүүнү, техникалык камсыздоону жакшыртуу үчүн заманбап санариптик технологияларды жандандыруу жана өнүктүрүү боюнча иштер жүргүзүлүүдө.

УЭКЕАКтын ишмердүүлүгү автордук коомдордун, укук ээлеринин укугун жана кызыкчылыгын коргоо  иштеринин механизмин улутук жана эл аралык деңгээлде  санариптик жакшыртууга багытталган. 2019-жылы УЭКЕАКка мүчө укуктарды жамааттык башкаруу боюнча коомдорунун жалпы чогулткан суммасы 159,05 млн еврону түздү. Бул көрсөткүч 2018-жылга салыштырмалуу 4% га көп. Өткөн жылга карата укуктарды жамааттык башкаруу боюнча аткарган иштери тууралуу докладдары менен Беларусь, Азербайджан, Казахстан, Армения, Россия жана Молдова өлкөлөрүнүн автордук коомдорунун өкүлдөрү чыгып сүйлөштү. Мындан сырткары, Башкы ассамблеясынын отурумунун жүрүшүндө катышуучулар азыркы учурдагы УЭКЕАКка мүчө өлкөлөрдүн аймагындагы жамааттык башкаруунун абалы жана тенденциясы тууралуу талкуулашты.

Белгилей кетсек, Евразия чөлкөмүндөгү укуктарды жамааттык башкаруу боюнча уюмдардын ишин  санариптештирүү кызуу жүрүүдө. Мисалы, Арменияда жасалма интеллекттин лабораториясы түзүлсө, Өзбекстанда санариптик экономика жана электрондук Өкмөт борбору ишке киргизилип жатат. Конфедерация Евразия регионундагы өлкөлөрдө интеллектуалдык укуктардын рынокторунун арасындагы мамилени жеңилдетүүгө жана технологияларды өнүктүрүүгө жардам берет. Интеллектуалдык менчикти башкаруу жана монетирлөө процесси акырындык менен бардык тараптан ачык-айкын жана түшүнүктүү болуп баратат. Жаратмандардын сурамына кунт коюп, интеллектуалдык менчик рыногунун бирдиктүү экоссистемасын түптөө баарынан маанилүү.

УЭКЕАК 2020-жылга карата өнүгүү стратегиясын сунуштады. Стратегия эл аралык уюмдар менен өз ара аракеттешүүнү шарттайт. Аудиовизуалдуу чыгармалардын автордун позициясын күчөтүү «Дүйнөнүн сценаристтери и режиссерлору» (Writers & Directors Worldwide) эл аралык долбоор менен кызматташууга багытталган. Визуалдык искусство объектилерин укуктук башкаруу чөйрөсүн өнүктүрүүгө Визуалдык искуствону жүгүртүүгө укуктар боюнча уюмдардын эл аралык федерациясы (IFRRO) менен өнөктөштүктүн жардамы тийет.  Федерация акыркы убакта УЭКЕАК мүчө өлколөрүндө колдонулган санариптик чечимдерге кызыккандыгын билдирген. Мындан сырткары, ушул жылга карата стратегия өзүнө конфедерациянын катышуучуларын, интеллектуалдык менчик чөйрөсүндөгү менеджментти дардоо үчүн профилдик окутуучулук долбоорлорду, Конфедерациянын ишмердигин кенен маалыматтык колдоо боюнча медиа демилгелерди, анын ичинде, Creative Global Talks онлайн-дискуссия сериясын жана Distant & Digital сыяктуу негизги иш-чараларга катышууга укуктук колдоо көрсөтөт.

Отурумдун жүрүшүндө Башкы Ассамблеянын катышуучулары өнүгүү пландары жана негизги тренддер жөнүндө гана сөз кылбастан, өткөн жылга карата ишмердиктин жыйынтыкттары тууралуу сүйлөшүштү. Мурунку жылдын октябрында Женева шаарында  УЭКЕАКнын өкүлдөрү  Интеллектуалдык менчиктин бүткүл дүйнөлүк уюмунун (WIPO)  жетекчилиги менен жолугуп, интеллектуалдык менчикти башкаруу инфраструктурасына технологиялык чечимдерди интеграциялоо боюнча талкуу жүргүзүшкөн. Конфедерация УЭКЕАКга мүчө өлкөлөрдүн коомдук талаасында гана активдүүлүгүн көрсөтүп чектелбестен, Латын Америка жана Жакынкы чыгыш өлкөлөрүнүн интеллектуалдык менчик уюмдары жана укук ээлеринин альянстары менен бекем байланыштарды түзө алды.

Конфедерациянын штаб-квартирасы Москва шаарында жайгашкан (Россия Федерациясы).

http://eacop.org/

25
Aug

Интеллектуалдык менчикти укуктук коргоо жана сактоо боюнча Мамлекеттер аралык Кеңешинин (ИММАК) Х отуруму өткөрүлдү

Көз карандысыз мамлекеттердин шериктештигинин (КМШ) тармактык кызматташтыгынын органы болгон Интеллектуалдык менчикти укуктук коргоо жана сактоо боюнча Мамлекеттер аралык Кеңешинин (ИММАК) Х отуруму 2020-жылдын 25-августунда видеоконференциялык байланыш режиминде өткөрлүлдү. 2020-жылы ИММАКка мүчөлөрдүн чечими  Молдова Республикасынын ыйгарым укуктуу мүчө-өкүлү ИММАКтын төрагасы болуп саналат. Отурумга Армения, Беларусь, Казахстан, Кыргызстан, Молдова, Россия, Таджикстан жана Өзбекстан өлкөлөрүнүн интеллектуалдык менчик жаатындагы ыйгарым укуктуу өкүлдөрү катышты. Күн тартибинде интеллектуалдык менчикти укуктук коргоо жана сактоого байланыштуу 13 маселе каралды.
 
Отурумдун алкагында COVID-19 пандемиясынын КМШга мүчө-мамлекеттердин экономикасына тийгизген негативдүү таасирин жеңүү боюнча сунуштар тууралуу, КМШнын 30 жылдыгы, КМШга мүчө-мамлекеттердеги отчеттук мезгилдеги интелектуалдык менчикти коргоо жана ушул жааттагы мыйзам бузууларга каршы туруу боюнча чаралардын абалы, мындан сырткары, 2020-жылга карата КМШнын Стратегиялык экономикалык өнүгүшүнүн үчүнчү этабын (2016-2020) ишке ашыруу боюнча иш-чаралар планынын аткарылышы тууралуу маселелер каралды. Кыргызпатенттин төрайымы Д. Молдошева  COVID-19 пандемиясына байланыштуу Кыргыз Республикасында өзгөчө абал жарыяланган учурдагы ведомствонун дистанциялык режимде үзгүлтүксүз иш алып баруу боюнча маалымат берип, интеллектуалдык менчик жаатындагы мыйзамдарды жакшыртуу иштери, интеллектуалдык менчик объектилерине болгон укук бузууларга каршы күрөшүү боюнча биргеликте жүргүзүлгөн чаралар, ведомствонун жалпы инновацияларды жана жаңы технологияларды өнүктүрүү, окутуу чөйрөсүндө аткарган иштери тууралуу баяндап берди. 
 
Мындан сырткары, күн тартибинде РМИМАнын базалык уюмунун өкүлү А.Ю. Ларинанын отчеттук мезгилде Россия мамлекеттик интеллектуалдык менчик академиясында (РМИМА) интеллектуалдык менчик чөйрөсүндө кадрларды дярдоо, профессиналдык кайра даярдоо жана квалификацияны жогорулатуу боюнча КМШга мүчө-мамлекеттердин базалык уюмунун ишмердиги тууралуу маалыматы угулуп, жактырылды.
 
Ушуну менен бирге, төмөнкү документтер жактырылды жана КМШнын аткаруу комитетине кароого жөнөтүлдү:
– ИММАКдын 2017-2020-жылдардагы ишмердиги тууралуу отчет;
– КМШга мүчө-мамлекеттердин санариптик чөйрөдө автордук укук жана чектеш укуктарды коргоо жана сактоо боюнча кызматташтыгынын Келишиминин долбоору.
КМШнын аткаруу комитетинин секретариатынын жалган товардык белгилер жана географиялык көрсөткүчтөрдү пайдаланууну эскертүү жана чектөө боюнча КМШга мүчө-мамлекеттердин кызматташтыгы жөнүндө Келишимдин долбоору КМШнын жогорку органдар тарабынан кароосунун жүрушү тууралуу, ошону менен бирге, КМШ Өкмөт башчыларынын Кеңешинин 2016-жылдын 28-октябрындагы Чечими менен бекитилген КМШга мүчө-мамлекеттердин интеллектуалдык менчик рыногун түптөө жана өнүктүрүү Концепциясынын аткарышы тууралуу маалыматтары эске алынды.
ИММАКнын жыйынтыктоочу чечимдеринин бири: КМШга мүчө-мамлекеттердин жана дүйнөлүк практиканын тажрыйбасын пайдалануу менен интеллектуалдык менчик объектилерине укуктук баасын аныктоо боюнча методикалык Сунуштарды иштеп чыгуу боюнча сунуштарды даярдоо ИММАКтын мүчөлөрү менен бирге КМШнын аткаруу комитетине жүктөлдү жана 2020-жылдын 1-декабрына чейин ИММАКнын Секретариатына берүү талабы коюлду.
 
Күн тартибинде Роспатент менен ӨМФИнин КМШ өлкөлөрүнүн регионалдык патенттик-маалыматтык продуктусун (CISPATENT) чыгаруу боюнча Долбоорун ишке ашыруу алкагында аткарылган иштер тууралуу маалыматы каралды. Жалпысынан Роспатент менен ӨМФИнин CISPATENT долбоорун мындан ары өнүктүрүү сунушу жактырылды жана CISPATENT 2.0 долбоорун ишке ашыруунун техникалык, финансылык, уюштуруучулук, юридикалык аспектерин бардык тараптуу иштеп чыгуу зарылчылыгы белгиленди.
 
ИММАКтын отурумунун аягында ИММАКтын төрагасын шайлоо өткөрүлүп, бардык мүчөлөрдүн бирдиктүү добушу менен Молдова Республикасынын интеллектуалдык менчик боюнча мамлекеттик агенттигинин генералдык директору, Молдова мамлекетинини ыйгарым укуктуу өкүлү Виорел Юстинжин талапкерлиги жактырылды.
ИММАКтын мүчөлөрү кийинки, 11-отурумду Молдова Республикасында өткөрүүнү макулдашты.
 
Маалымат иретинде:
 
Интеллектуалдык менчикти укуктук коргоо жана сактоо боюнча Мамлекеттер аралык Кеңеши (ИММАК) 2010-жылы 19-ноярда 9 КМШга мүчө-мамлекеттердин  (Армения, Беларусь, Казахстан, Кыргызстан, Молдова, Россия, Тажикстан, Өзбекстан, Украина)  Өкмөт башчылары тарабынант кол коюлган Келишимдин негизинде түзүлгөн.   
24
Aug

Ийгиликтүү компанияны ишке киргизүүдөн алынган негизги сабактар

Стартаптарды колдоо жана релеванттик компетенцияларга окутууга багытталган Startup Guide онлайн иш-чараларынын марафону алкагында “Ийгиликтүү компанияны ишке киргизүүдөн алынган негизги сабактар” аталышындагы презентациясы менен Growave компаниясынын жетекчиси жана негиздөөчүлөрүнүн бири Эльдар Галиев чыгып сүйлөдү.

Growave – онлайн магазиндердин сатып алуучулардын ишенимин жана алардын лоялдуулугун ээлөөгө көмөктөшкөн, бүткүл дүйнө боюнча 6,5 миң кардары бар бизнес үчүн маркетингдик платформа.

Вебинардын жүрүшүндө спикер өзүнүн практикалык тажрыйбасы менен бөлүшүп, төмөндөгүлөр тууралуу айтып берди:

🔸 эгер сиздин компанияны ишке киргизүү боюнча тажрыйбаңыз жок болсо, кандай жагдайга кептелишиңиз мүмкүн. Бул кемчиликти кантип жойсоңуз болот?

🔸 продуктуну рынокко кайсы убактта чыгарган туура болот?

🔸 продуктуну качан сатып баштап, кардарларды кантип табуу керек?

🔸 компания кантип өз кирешесин көбөйттү. Пайда табуунун негизги 3 себеби: баа, кардарларды тартуу жана кармоо

🔸 кардарларды көбөйтүү үчүн мурда иштешпеген кардарларга чалууну (холодные звонки) качан жана кайсы учурда аткаруу туура жана ыңгайлуу болот?

🔸 сатуунун дагы кандай ыкмалары бар?

🔸 кардарларды онбордингдөө деген эмне жана аны кантип жасоо керек?

🔸 кардарларды техникалык колдоону кантип уюштурса болот?

Вебинардын жазылып алынган видеосу төмөнкү шилтемеде жеткиликтүү: https://www.youtube.com/watch?v=Hv0AgmjUlkI

Кийинки вебинар 25-августта төмөнкү темада өткөрүлөт: «Кантип инновациялардын креативдүүлүгүн өнүктүрүп, жакшыртса болот».

21
Aug

Ийгиликтүү стартап: Идеядан ишке ашырууга чейинки жол

Стартапчылар көбүнчө эң эле жөнөкөй болгон чындыкты капарга илишпейт: Ишке ашырылбаган идеянын түккө турбайт. Ийгиликтүү ишке ашыруу үчүн эмне кылуу керек? Жакшы команда керектелеби, же долбоорду башкаруунун туура методикасы керекпи? А сатуу үчүн эмне керек? Ушул жана башка маселелер боюнча 21-август күнү  стартаптарды колдоо жана релеванттык компетенциясын окутууга багытталган Startup Guide онлайн иш-чаралардын алкагында өткөрүлгөн вебинарда сөз болду.

Эрмек Рысбек уулу Richie Invest, FunderHunt компанияларынын түптөөчүлөрүнүн бири жана Richie Lending түптөөчүсү. Ал вебинардын жүрүшүндө стартап-долбоорлорду түзүүнүн жана ийгиликтүү ишке ашыруунун негизги аспекттери тууралуу айтып, төмөнкүлөрдү белгиледи:

• Идея
Идеяны табуу үчүн азыркы учурда потенциалдык кардарларга жана керектөөчүлөргө эмне керектүү жана маанилүү экендигине көңүл буруу керек. Башкача айтканда, эң негизгиси стартаптын бизнес идеясы кызыкдар аудиториянын көйгөйүн тез арада чечип, аларга көмөк бериши зарыл.

• Команда
Идеяга кызыкдар кишилерди чогултуу керек: бизнести ишке киргизүү этабында потенциалдык кызматкердин орду чоң.

• Рынок
Рыноктун өлчөмүн баалоо. Эгер кызмат көрсөтүүлөрдү сунуштаган рынок түптөлө элек болсо, маалыматтарды  аналогиялык жана чектеш сегменттер менен талдап чыгуу керектелет. Долбоорго жумшалган салымдардын рентабелдүүлүгүн аныктоо үчүн канча потенциалдуу керектөөчү бар экенин түшүнүү абзел. Мындан сырткары, конкуренттерди, алардын күчтүү жана алсыз тараптарын изилдеп, ошонун негизинде өзүнчө уникалдуу артыкчылыктарды түзүү керек.

• Ишке ашыруу
Башкы идея толук ишке ашкандан кийин да стартап өнүгүү жолунда болушу мүмкүн: көрүнүктүү катачылыктарды жоюп, техникалык жана идеялык курамын жакшыртуунун арты менен. Дал ушул жерден товардык белгини каттоо маселеси жаралат. Долбоордун иштеп кетүүсүнө көзүңүз жетип, кандайдыр бир өлчөмдө каражат жумшап, азырынча продукт белгилүү боло элек болгон учурда товардык белгини каттоого өтүнмөнү берсеңиз болот.

Бардык эле стартапчылардын башынан өткөрүүчү маселелер көтөрүлгөндүгүнө байланыштуу, аталган вебинар кызыктуу жана маалыматтарга бай болду. Катышуучулар кызыккан суроолорун узатып, спикер угуучулардын бардык суроолоруна жооп берди. Жыйынтыгында катышуучулар кызыктуу маалыматтар жана кеңештер үчүн спикерге ыраазычылык билдиришти.

Кийинки вебинар 24-август күнү “Ийгиликтүү компанияны ишке киргизүүдөн алынган негизги сабактар” темасында өткөрүлөт.

21
Aug

“Стартап Кыргызстан” республикалык сынагынын жеңүүчүлөрүн сыйлоо аземи болуп өттү

2020-жылдын 20-августунда “Стартап Кыргызстан” республикалык  сынагынын жеңүүчүлөрүн сыйлоо аземи болуп өттү. Кыргызпатент тарабынан алгачкы ирет өткөрүлгөн бул сынак бизнес жүргүзүүнүн  жаңы жана тиешелүү деңгээлде жакшыртылган чечимдеринин жана  моделдеринин жардамы менен келечектүү делген стартап-долбоорлордуишке ашырууга, инновациялык ишмердикти өнүктүрүүгө жана өлкөдөгү ишмердигин жүргүзүп жаткан индустриянын эффективдүүлүгүн жакшыртууга  багытталган инновация чөйрөсүндөгү мамлекеттик колдоо болуп саналат.

Салтанаттуу түрдө акчалай сертификаттар, статуэткалар жана Кыргызпатенттин имидждик продукциялары менен 4 жеңүүчү долбоордун авторлору сыйланды:

1) Токтогулов Адилет Азисмаметович, «Genesis Bionics» долбоору (бионикалык протездерди өндүрүү) –500 000 сом.

2) Алиев Нурсултан Алмаспекович, «Azyk.Store» долбоору (товарларды дүңүнөн тапшырык кылуу үчүн онлайн-платформа) – 300 000 сом;

3) Сагыналиева Лунара Мырзабековна, «Quick Expert» долбоору (кеңеш берүүлөр үчүн жана фрилансерлердин кызмат көрсөтүүлөрү үчүн электрондук сервис-аянтча) – 500 000 сом;

4) Сайнидинов Стан, «КЭТ» долбоору (кыргатылган, сүрсүтүлгөн эт) – 500 000 сом.

Активдүүлүгү менен өзгөчөлөнгөн төмөнкү долбоорлор кызыктыруучу сыйлыкка ээ болушуп, статуэткалар, сертификаттар жана Кыргызпатенттин имидждик продукциялары менен сыйланышты:

5) Смиренский Илья Вячеславович,  “СПААЗ” долбоору (өтүнмөлөрдү берүү, талдоо жана архивдөө системасы);

6) Жакыпбекова Бермет Жакыпбековна, “KidsGo” долбоору (балдарды мектепке-үйгө коштоп баруу боюнча тейлөө кызматы);

7) Сатыбалдыев Абдимиталип Баатырбекович, “ВИЭ” долбоору (күн-шамал энергиясын айкалыштырган орнотмо);

8) Леонтьев Руслан Георгиевич, «Digital Nomads» долбоору (онлайн платформа аркылуу кыргыз, орус жана англис тилин окутуу).

 

Мындан сырткары, 15 финалистке акселерациялык программадан өткөндүгү тууралуу сертификаттар,  Кыргызпатенттин имидждик продукциялары турган эстелик белектер тапшырылды.

Биз үчүн бул Кыргызстанда инновациялар бар экендигин далилдеген чоң тажырыйба болду. Кыргызпатент мындан ары да өз ишин жаңы баштап жаткан новаторлорду колдоого жана өнүктүрүүгө көмөктөш экендигин билдирет.

БИЗ КЕЛЕЧЕКТИ КҮТҮП ЖАШАБАЙБЫЗ, БИЗ АНЫ ӨЗҮБҮЗ КУРАБЫЗ!

Эскерте кетсек, ушул жылдын 1-июлунда онлайн форматта “Стартап Кыргызстан” республикасынын финалы өткөрүлгөн. Өлкөнүн бардык тармактарын дүрбөлөнгө салган COVID-19 пандемиясына байланыштуу жеңүүчүлөрдү сыйлоону ушул мезгилге жылдырууга туура келди. Сыйлоо аземи  коронавируска каршы күрөшүү боюнча Республикалык штаб тарабынан сунушталган санитардык нормаларды толук сактоо менен өткөрүлдү.

19
Aug

Вебинар: Стартапчынын эсине: Инвестор үчүн жасалуучу презентация өзүнө эмнени камтышы керек?

Питчинг биздин реалдуу жашообузга айланып бара жатат. Ар бир чоң фестивалдарда, кино же илимий фестиваль болобу ал жерде долбоорлордун рыногу орун алып, питчинг уюштурулат. Ооба, фестивалдык эле эмес бардык багыттарда бул форманы активдүү колдонушат.

18-августта Startup Guide вебинарлар сериясынын алкагында Neobis негиздөөчүсү Санира Маджикова идеалдуу питчингдин искусствосу тууралуу айтып берди. Вебинардын жүрүшүндө аудитория суроолорду талкуулоого активдүү катышты. Өзүнүн ийгиликтүү жана ойдогудай болбой калган питчинги тууралуу бөлүшүү менен катышуучулар Санира менен биргеликте ийгиликтүү питчингдин мисалдарын талдашып, презентация үчүн эмне зарыл жана эмненин кереги жок экендигин такташты.

Питч – аудиторияга, инвесторго өзүнүн бизнес планынын серебин түшүндүрүүгө багытталган долбоордун инвестициялык презентациясы. Презентация жеке пикир алышууда, конференция учурунда инвесторлор, кардарлар, өнөктөштөр ж.б. менен сүйлөшүү мезгилинде колдонулат. Кээде потенциалдык инвестор Сизден i-mail аркылуу презентациялооңузду суранышы мүмкүн. Ошондуктан, презентацияңыз сиздин комментарийиңизсиз эле алардын көңүлүн буруусу керек.

Вебинардын жазылып алынган видеосун шилтеме аркылуу көрсөңүз болот: https://www.facebook.com/HTP.KG/?eid=ARCyQgNUcllWsZrCDUIeKqzhq5ZLNppNHb4IG-13u3QQNMkXhk8WV3pUVH06PPm9UD_KXI36xScaexZL

18
Aug

Чакан жана орто бизнес үчүн товардык белгилер

Чакан жана орто бизнес интеллектуалдык менчик жана товардык белгини каттоого муктаж экенин жыл өткөн сайын далилдеп келе жатат. Бирок,  бардык эле ишмердик менен алектенген субъектилер интеллектуалдык менчиктин маанилүүлүгүн жана анын келечекте киреше алуу үчүн мүмкүнчүлүктөрдү түзүү жагындагы потенциалын түшүнө беришпейт. Ошону менен бирге, интеллектуалдык менчик укуктук коргоодо турат жана интеллектуалдык менчик укугу менен рынокто корголгон товарларга жана кызмат көрсөтүүлөргө муктаждык бар, ал өзүнчө бир баалуу иштиктүү актив болуп калышы толук мүмкүн. Ушул тууралуу 17-августа өткөрүлгөн “Чакан жана орто бизнес үчүн товардык белгилер” аталышындагы онлайн лекцияда сөз болду.

Онлайн лекциянын лектору катары Кыргызпатенттин экспертиза башкармалыгынын начальниги Э. Муканбетов чыгып сүйлөдү. Ал өз сөзүндө товардык белгилерди укуктук коргоо жана сактоо маселелери, товардык белгилерди иштеп чыгуу жана пайдалануу өзгөчөлүктөрү, товардык белгилерди улуттук жана эл аралык каттоо үчүн өтүнмө берүү процедурасы тууралуу айтып берди.

Онлайн лекциянын жазылып алынган видеосун төмөнкү шилтеме аркылуу көрсө болот: https://www.youtube.com/watch?v=5xHRmkLTXYY

13
Aug

«Электрондук эсептөө машиналарын (ЭЭМ), маалыматтык базаларды (МБ) жана топологиялык интегралдык микросхемаларды (ТИМС) мамлекеттик каттоо маселелери боюнча консультация» темасында вебинар өткөрүлдү

2020-жылдын 13-августунда «Электрондук эсептөө машиналарын (ЭЭМ), маалыматтык базаларды (МБ) жана топологиялык интегралдык микросхемаларды (ТИМС) мамлекеттик каттоо маселелери боюнча консультация» темасында вебинар өткөрүлдү.
 
Иш-чара мындан мурун Россия Федерациясынын Кыргыз Республикасындагы жана Кыргыз Республикасынын Россия Федерациясындагы эриш-аркак жылынын алкагында өткөрүлгөн Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын (Кыргызпатент) төрагасы менен Россия Федарациясынын интеллектуалдык менчик боюнча федералдык кызматынын (Роспатент) башчысынын онлайн жолугушуусунун жыйынтыгы боюнча өткөрүлдү.
 
Вебинардын максаты –Роспатентте жана Кыргызпатентте ЭЭМ, МБ жана ТИМС программаларын мамлекеттик катоонун өзгөчөлүктөрүн ар тараптуу талкуулоо.
 
Иш-чаранын алкагында Роспатентте жана Кыргызпатентте ЭЭМ, МБ жана ТИМС программаларын мамлекеттик катоонун өзгөчөлүктөрү тууралуу пикир алмашуу орун алып, каттоо процедурасы, кароонун мөөнөтү, архивдик документтерди сактоо мөөнөттөрү, кызматтык чыгармаларды түзүүнүн алкагында келип түшкөн өтүнмөлөрдү кароо, укуктарды өткөрүп берүүнү катоонун процедурасы, мамлекеттик каражаттардын эсебинен түзүлгөн чыгармаларды катоо боюнча кызуу талкуу жүрдү. Вебинардын жыйынтыгында эки ведомствонун адистери кезекги менен ИМ укуктарынын ар түрдү маселелерине байланыштуу вебинарларды өткөрүп туруу боюнча макулдашты.
 
Иш-чарага Кыргызпатенттин структуралык бөлүмдөрүнүн, ведомствого караштуу мекемелеринин кызыкдар кызматкерлери жана Роспатенттин эксперттери, жалпысынан 20 киши катышты.
 
ЭЭМ үчүн программа – белгилүү натыйжага ээ болуу максатында электрондук эсептөө машиналарын фунционалдаштырууга ылайыкташкан маалыматтар жана буйруктардын (команда) жыйындысын өзүнө камтыган обүективдүү форма;
 
Маалыматтык база – ЭЭМ жардамы менен табылган жана иштелип чыгууга системалаштырылган маалыматттардын жыйындысын көрсөтүүчү жана уюштуруучу объективдик форма;
 
Интегралдык микросхемалардын топологиясы – интегралдык микросхемалардын элементтердин жыйындысы жайгашкан аралыктык-геометрикалык материалдык маалымат алып жүрүүчүдө каттоо;
 
Жогоруда көрсөтүлгөн обүектилерди мамлекеттик каттоону Кыргыз Республикасынын аймагында Кыргызпатент жүргүзөт, ошону менен бирге каттоо ыктыярдуу болуп эсептелет.
 
ЭЭМ же МБ үчүн программаларды катоого өтүнмө өзүно төмөнкүлөрдү камтыйт:
 
1. Өтүнмө
(Форма КП – эгер автор бирөө болсо. КП кошумча форма – бир нече автор болсо)
2. Депонирлөө материалдары:
– CDге көчүрүлгөн чыгуу текстинин электрондук варианты;
– кагаз түрүндөгү варианты (чыгуу тестинин алгачкы 15 жана акыркы 15 барагы, басып чыгаруу);
3. Реферат;
4. Автордун (авторлордун) паспорт көчүрмөсү;
5. Каттоо жыйынын төлөгөнү тууралуу дүмүрчөк.
 
* Эгер укук ээси автор болуп эсептелбесе, өтүнмөгө мүлктүк укуктарды алгандыгын тастыктаган документтин күбөлөндүрүлгөн көчүрмөсү тиркелет.
 
* Эгер өтүнмө өкүлдөр тарабынан берилген болсо, өкүлгө болгон ишеним каттын көчүрмөсү тиркелет.
13
Aug

Startup Guide онлайн иш-чаралар марафону старт алды

Ушул жылдын 12-августунда стартаптарды колдоого жана релеванттык компетенцияларды окутууга максатталган Startup Guide онлайн иш-чаралар марафону старт алды.

Алгачкы жолугушууну “стартапты кантип ишке киргизсе болот: идеядан MVP чейин” темасында Елена Чигибаева өткөрдү. Ал идеяны кантип реалдуу продуктуга айландырса боло тургандыгы, продуктту ийгиликтүү ишке ашыруу үчүн кандай инструменттер жана тартиптер бар экендиги тууралы айтып берди.

MVP – бул пайдалануучудан кайра түшүнүктүү байланыш алууга, аларга эмне керектигин, алар төлөөгө даяр эмес болгон нерсени чыгарбоо керектигин түшүндүргөн, минималдык турмушка ылайыктуу продукт.

Стартаптар үчүн MVP шашылыш учурда жасалган, чийки продуктуну түшүндүрбөйт. Болгону аны иштеп чыгууга минималдуу убакыт коротулат жана ал реалдуу пайдалануучуларды текшерүү үчүн актуалдуу болгон негизги функциялардан гана турат. MVP концепциясы жалаң гана керектүү функцияларды түзүүнүн эсебинен долбоорду ишке киргизүү убактысын кыскартууга жана өзүнүн продуктусу боюнча реалдуу фидбек алып баштоону шарттайт.

Вебинардын жүрүшүндө катышуучулар идеядан стартапка чейинки актуалдуу суроолорду талкуулашты. Катышуучуларды стартапты ишке ашыруудагы инвесторлор жана өнөктөштөр менен болгон өз ара аракеттенүү, пандемия шартында стартаптарды коргоо жана алгылатуу көйгөйлөрү кызыктырды. Мындан сырткары, катышуучулар стартаптарды колдоо жана өнүктүрүү үчүн адистештирилген программалар жана аянтчалар тууралуу маалымат алышты.

Startup Guide онлайн-марафону Кыргызпатент тарабынан Кыргыз Республикасынын Жогорку технологиялар паркы, “Тэкайым” коомдук фонду жана Accelerate Prosperity глобалдык демилгеси менен биргеликте өткөрүлүп жатат. Вебинарлар август айынын аягына чейин жүргүзүлүп, стартаптарга байланыштуу актуалдуу маселелерди көтөрөт.

Вебинардын жазылып алынган видеосу төмөнкү шилтемеде жеткиликтүү: