Жаңылыктар

4
Apr

Кезектеги викторина “Дордой” жаңы конушунун окуучулары үчүн өткөрүлдү

2017-жылдын 4-апрель күнү Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын алдындагы Мамлекеттик патенттик-техникалык китепкананын (МПТК) кызматкерлери Бишкек шаарынын “Дордой” жаңы конушунун № 94 орто мектебинин окуучуларына “Интелектуалдык менчик” викторинасын өткөрүштү. МПТК тарабынан өткөрүлгөн бул иш-чаранын негизги максаты жаштар арасында интеллектуалдык менчиктин объектилери жөнүндө кеңири маалымат берүү болуп саналат.

Викторинага 9-класстын окуучулары катышып алардын назарына “Китепканадагы китептин жолу” деген слайд сунушталды. Балдар китепканада окурмандын колуна тийгенге чейин китеп кандай жолду басып өтөрү, китепканада керектүү китепти же документти кантип табуу керектиги жөнүндө билишти. Балдар маалымат агынында туура багытын табууну үйрөнгөн соң, балдар изилдөө иштеринде жана өзүнчө билим алуу үчүн керектүү ыкмаларга ээ болушат. Андан кийин окуучулардын назарына “Интеллектуалдык менчик бүгүн жана эртең”, “Дүйнөнү өзгөрткөн ойлоп табуулар” слайд-викториналары тартууланды. Балдар бүткүл дүйнөнү өзгөрткөн ойлоп табуулар, интеллектуалдык менчик объектилери, коомдун өнүгүүсүндө интеллектуалдык менчиктин ролу жөнүндө билишти, андан кийин викторинанын суроолоруна жооп беришти.

Иш-чараны жогорку деңгээлде өткөрүүдө мектептин директору Базаркулов Талантбек Асанкулович чоң көмөк көрсөттү.

Бул иш-чара 2017-2021 жылдарга Интеллектуалдык менчикти жана инновацияларды өнүктүрүүнүн мамлекеттик программасынын ишке ашырууга багытталды.

31
Mar

Кыргызпатентте БУУнун ЕЭК миссиясынын өкүлдөрү менен жолугушуу болуп өттү

2016-жылдын 30-мартында Кыргызпатенттин төрагасы Досалы Эсеналиевдин Бириккен улуттар уюмунун (БУУ) Европалык экономикалык комиссиясынын (ЕЭК) миссиясынын өкүлү Ральф Хайнрих баш болгон Кыргызстандын инновациялык өнүгүүсүнүн обзорун жазганы келген эл аралык эксперттер тобу менен жолугушуусу болуп өттү.

Эксперттер Кыргыз Республикасынын инновациялык иштери менен таанышты. Тараптар Кыргыз Республикасын туруктуу өнүктүрүү үчүн инновациялык обзорунун долбоору кандайча ишке ашырылышы жана анын этаптары жөнүндө, ошондой эле бул долбоорго кызыкдар тараптар менен БУУнун ЕЭКтин өкүлдөрүнүн жолугушуу графигин талкуулашты. Ошентип, 2017-жылдын 30-мартынан баштап 7-апрелине чейин бир катар Кыргыз Республикасынын мамлекеттик органдары, өкмөттүк эмес уюмдары жана бизнес коомдоштуктар менен жолугушууларды жана талкуулоолорду өткөрүү пландаштырылууда.

Бул долбоор БУУнун 2030-ж. чейин туруктуу өнүктүрүүнүн Күн тартибинин алкагында КМШнын Казахстан, Армения, Тажикистан өлкөлөрүндө ишке ашып, Украина жана Беларусияда ишке ашырылууда.

30
Mar

Органикалык айыл чарба азык-түлүгүн өстүрүүнүн инновациялык технологиялары талкууланды

2017-жылдын 30-мартында Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын (Кыргызпатент) Интеллектуалдык менчик мамлекеттик фонду “Жарандык агартуу” коомдук фонду, JICA менен биргеликте “Кыргыз Республикасында органикалык айыл чарба продукцияларын өстүрүүнүн инновациялык технологиялары. Жапон тажрыйбасы” темасындагы тегерек үстөл өткөрүштү.

Иш-чараны өткөрүү максаты органикалык айыл чарба продукцияларын өстүрүүдө инновациялык технологияларды өнүктүрүү, келечекте Кыргызстанда экологиялык айыл чарбаны өнүктүрүү маселелерин талкуулоо болуп саналат. Майды аз камтыган сүт жана эт продуктуларын жашылча жана жемиштерди, ата-мекендик өндүрүү үлүшүн жогорулатуу боюнча, ошондой эле калктын сапаттуу жана коопсуз азык түлүк продукциясы менен муктаждыгын камсыздоо боюнча ыңгайлүү шарттарды түзүү өтө маанилүү болуп саналат.

Тегерек үстөлдүн ишине КР Улуттук илимдер академиясынын, Айыл чарба жана мелиорация министрилигинин, “Жарандык агартуу” КФсынын, JICAнын, КРында Органикалык дыйканчылыкты илгерилетүү, “Кыргыз-Швейцар банк” ЖАКсынын, “Агрардык платформа” КБсынын, Ecomade, “FSDS” КФсынын, “Чандра Гарденс” ЖЧКсынын өкүлдөрү, жеке ишкерлер жана фермерлер катышышты.

Катышуучулар ушул сыяктуу жолугушууларды улантууну каалагандыктарын билдиришти жана Кыргыз Республикасынын органикалык айыл чарба өндүрүшүнүн экспорттук багытынын өнүгүүсүнө үмүт артышты.

29
Mar

Интернет-добуш берүү жөнүндө

Кырызпатент “Интеллектуалдык менчикти өнүктүрүүгө кошкон салымы үчүн” республикалык конкурсунун “Мыкты бренд” номинациясы боюнча интернет-добуш берүүнү “Кабар” маалымат агенттигинин сайтында өткөргөндүгү жөнүндө кабарлайт.

27
Mar

Премьер-министр Сооронбай Жээнбеков: Өлкөнүн прикладдык маанидеги инновациялык мүмкүнчүлүктөрүн ишке ашыруу зарыл

Азыркы экономикалык шартта өлкөнүн прикладдык маанидеги инновациялык мүмкүнчүлүктөрүн ишке ашыруу зарыл. Мындай тапшырманы Кыргыз Республикасынын Премьер-министри Сооронбай Жээнбеков, Кыргыз Республикасынын Өкмөтүнүн алдындагы интелектуалдык менчик жана инновациялар мамлекеттик кызматынын (Кыргызпатент) төрагасы Досалы Эсеналиевдин алдына койду.

Өкмөт башчысы ата мекендик өнөр жай тармагын модернизациялоодо, иликтөөлөрдүн жыйынтыгын чыгарууда жогорку окуу жайлардагы жаш окумуштуулардын инновациялык илимий-иликтөө ишмердүүлүктөрүн колдоого алуу зарылдыгын баса белгиледи. Анын менен бирге Премьер-министр Кыргызстанда инновациялык рынок бар экенин, бирок аны ишке ашырууга суроо-талап жарала электигин кошумчалады. Мына ушул максатта Премьер-министр Сооронбай Жээнбеков өндүрүшчүлөр менен ойлоп табуучулар арасында байланышты бекемдөө үчүн ар кандай көргөзмөлөрдү уюштурууну иштеп чыгууну тапшырды.

«Азыркы заманбап экономикалык шартта Кыргызпатенттин болгон мүмкүнчүлүктөрүн колдонуу зарыл. Өндүрүш, өнөр жай, айыл чарба, бизнес тармагындагылар менен, ойлоп табылган мүмкүнчүлүктөрдү ишке ашыруу максатында алар менен тыгыз мамиле куруу зарыл», — деди Премьер-министр.

Кыргызпатенттин төрагасы Досалы Эсеналиевдин айтымында мекеменин ишмердүүлүгү негизги үч багыт боюнча жүргүзүлүүдө: интелектуалдык менчикти коргоо, автордук укуктарды коргоо жана колдоо, инновациялык саясатты аныктоо жана жүргүзүү. Ушул багыттар боюнча улуттук жана эл аралык мыйзам базасынын алкагында иш бир нукка коюлган.

Досалы Эсеналиев Кыргыз Республикасынын Өкмөтү тарабынан жакынкы келечекке багыт алган инновациялык өнүгүү Концепциясы бекитилгендигин билдирди. Кыргызпатент өлкө экономикасына салым кошо турган инновациялык долбоорлорду аныктоого жана аны кийин ишке ашырууга кызыкдар. Ушул максатта жыл сайын уникалдуу инновациялык демилгелерди аныктоо жана иш жүзүнө ашыруу үчүн сынактар өткөрүлүп турат.

Кыргызпатенттин башчысы 2016-жылдын эсебинен саламаттыкты сактоо, айыл чарба, мал багуу жана тамчылатып суугаруу тамагында арыз берген 45 талапкердин арасынан 4 илимий арыз тандалып алынганын билдирди.

Жаш окумуштууларды колдоо максатында жогорку техникалык окуу жайлардын биринде, инновациялык демилделерди иштеп чыгуунун аянтчасы болгон инновациялык технопарк түзүү пландалууда.

Аталган долбоорду ишке ашыруунун алкагында өлкөдөгү техникалык жогорку окуу жайлардын арасында СЫНАК жарыяланат. Аталган технопарк келечекте өндүрүшкө багытталган бизнес өкүлчүлүгүн колдоодо жана өнүктүрүүдө, жаш окумуштууларды колдоочу, аларга дем берүүчү багыт болору күтүлүүдө. Ошондой эле Кыргызпатенттин келечектеги пландарында кыргыз элинин улуттук (каада-салт) жана кол өнөрчүлүк тармагында (шырдак, туш кийиз ж . б.) базасын түзүү пландалууда.

Материал КР Өкмөтүнун сайтынан алынган , ссылка: http://www.gov.kg/?p=91933

27
Mar

Көңүл бургула, конкурс! “Мыкты инновациялык долбоор – 2017”

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы (Кыргызпатент) “Мыкты инновациялык долбоор – 2017” конкурсун өткөрө тургандыгын  жарыялайт.

 Конкурстун  максаттары:

  • келечектүү инновациялык долбоорлорду жана иштелмелерди аныктоо;
  • республикада инновациялык ишмердүүлүктү активизациялоо;
  • инновациялык долбоорлорду ички жана тышкы рынокко чыгарууга көмөктөшүү.

Конкурс төмөнкү багыттар боюнча өткөрүлөт:

  • Өнөр жай;
  • Айыл чарба;
  • Медицина;
  • Курулуш;
  • Маалыматтык технологиялар ж.б.

Конкурска  идеянын ээси же иштеп чыгуучулары болгон, алардын коммерциялык ишке ашуусуна кызыкдар жана  колдонуудагы коргоо документи (патент, күбөлүк) бар жеке жана юридикалык жактар катыша алат.

Ар бир конкурстук долбоорго  бекитилген үлгүдөгү өтүнмө тиркелиши  керек. Өтүнмөлөр  электрондук жана  кагаз түрүндө төмөнкү даректер боюнча кабыл алынат: Бишкек шаары, Москва көч., 62.,

e-mail: konkurs@patent.kg  .

Кененирээк маалыматты www.patent.kg сайтынан же (0312) 68-16-01 телефонунан алууга болот.

Өтүнмөлөрдү берүү мөөнөтү: 2017-жылдын  1-июнуна чейин.

Конкурстун жеңүүчүлөрүнө инновациялык долбоорду ишке ашырууга гранттар сунушталат. Жеңүүчүлөрдүн саны жана гранттын суммасы долбоорлордун керектөөсүн жана конкурстун  жыйынтыктарын эске алуу  менен аныкталат.

“Мыкты инновациялык долбоорду” тандоо боюнча конкурсту өткөрүүнүн тартиби жөнүндө жобо

Тиркемеси

25
Mar

Ош шаарында ойлоп табуу ишмердүүлүгүн активдештирүүдө ТИКБнын ролун талкуулашты

2017-жылдын 23-мартында Кыргызпатентке караштуу Интеллектуалдык менчик мамлекеттик фонду Эстон интеллектуалдык менчик жана трансфер технологиялар борбору биргелешкен Ош шаарында Ош мамлекеттик университетинин (ОшМУ) базасындагы Технологияларды жана инновацияларды колдоо борборунда (ТИКБ) “Ойлоп табуу ишмердүүлүгүн активдештирүүдө ТИКБнын ролу” аттуу семинарын уюштурушту.

 

Семинардын жүрүшүндө региондордо интеллектуалдык менчик чөйрөсүндө маалыматтуулукту жана билимди жогорулатуунун зарылдыгы жөнүндө белгиленди.  Эстон интеллектуалдык менчик жана трансфер технологиялар борборунун адистери старт-аптарды колдоо жөнүндө айтып беришти, Эстониядагы технопарктардын, илимий парктардын, инкубаторлордун жана  трансфер технологиялар боюнча кеңселердин  ишмердүүлүгүнүн  көрүнүшүн тартуулашты.

Эстония старт-аптардын мекени катары белгилүү. “Шамал генераторлорунан тартып, татаал электроникаларга чейинки, технологиялар – бул Эстониянын келечеги”, - деп өз сөзүндө  Эстон интеллектуалдык менчик жана трансфер технологиялар борборунун башкы директору Мариус Кунингас белгиледи. Эң белгилүү эстон технологиялык долбоору болуп, дүйнөдөгү белгилүү Skype мессенджери  саналат. Таллин, Таллин технологиялык жана Тарту сыяктуу университеттерде Siemensтен баштап  Shellге чейин бүткүл дүйнөдө колдонулуучу технологияларды өткөрүп берүү бөлүмдөрү жайгашкан. Тарту илимий-изилдөө борборунда 4 бизнес бөлмөсү бар: бизнес-инкубатор, Protolab, Көрсөтүү борбору жана Nanolab. Бул тууралуу эстондук кесиптештер өз баяндамаларында айтып беришти.
Семинардын ишине түштүк региондун ЖОЖдорунун 54 өкүлү: ОшМУ, КР УИА ТБнүн Энергоресурстар жана геоэкология институту,  КР УИА ТБнүн А. Жаманбаева атындагы Жаратылыш ресурстары институту, ЖАМУ, ОшТУ катышты. Бул ЖОЖдордун өкүлдөрү “Өнүккөн өлкөлөрдө патенттик жана инновациялык ишмердиктин анализи”, “Патенттик изилдөөдө ОшМУнун аракеттери”, “ОшТУнун инновациялык ишмердүүлүгүндө ТИКБнын ролу жана орду”, “Инновациялардын өнүгүүсүндө ТИКБнын ролу” деген темаларда бир катар баяндамаларды тартуулашты.

Иш-чараны өткөрүү максаты Эстон интеллектуалдык менчик жана трансфер технологиялар борбору менен Кыргыз Республикасынын түштүк регионунун Технологияларды жана инновацияларды колдоо борборлорунун филиалдарынын тажрыйба алмашуулары, ошондой эле республикадагы ойлоп табуучулук ишмердигинде көйгөлөрдү жана кыйынчылыктарды белгилөө болуп саналат.

24
Mar

Кыска мөөнөттүү окутуу курсунун угуучуларына сертификаттар тапшырылды

2017-жылдын 22-24-мартында Кыргызпатентте “Интеллектуалдык менчик объектилерин укуктук коргоо” темасындагы квалификацияны жогорулатуу боюнча кыска мөөнөттүү окутуу курсу болуп өттү.

Кыска мөөнөттүү окутуу курсунун максаты интеллектуалдык менчик объектилерин сактоо жана коргоо, интеллектуалдык менчиктин объектилерин туура каттоо, өтүнмөлөрдү берүү жана тариздөө маселелери боюнча квалификацияны жогорулатуу, Кыргыз Республикасынын инновациялык тутумунун өнүгүгүүсү тууралуу түшүндүрмө берүү болуп саналат.

Үч күндүк курска Кыргыз Республикасынын Айыл-чарба, тамак-аш өнөр жайы жана мелиорация министирлигинин, Кыргыз Республикасынын Жогорку сотуна караштуу Сот департаментинин, Кыргыз Республикасынын Өкмөтүнө караштуу Экономикалык кылмыштуулукка каршы күрөшүү боюнча мамлекеттик кызматынын, Кыргыз Республикасынын Өкмөтүнө караштуу Бажы кызматынын кызматкерлери, И. Раззаков атындагы Улуттук техникалык университетинин, Б. Ельцин атындагы Кыргыз-Орус славян университетинин, Кыргыз мамлекеттик юридикалык академиясынын профессордук-окутуучу курамынын өкүлдөрү катышышты.

Аларга Кыргызпатенттин адистери интеллектуалдык менчик тутуму, интеллектуалдык менчик жаатында майзамдар, интеллектуалдык менчик объектилерин сактоо жана коргоо темасында лекция окуп беришти.

Иш-чаранын аягында Кыргызпатенттин төрагасынын орун басары С. Байзаков угуучуларга ыраазычылык билдирип, мындан ары да ишканалар аралык бирдиктүү иш-чараларды чогуу алып барууга дилгир экендигин билдирип, соңунда кыска мөөнөттүү курстан өткөндүгү жөнүндө сертификаттарды салтанаттуу түрдө тапшырды.

21
Mar

Нооруз-2017

Нооруз майрамыңыздар менен куттуктайбыз!

17
Mar

Кыргызпатенттин кызматкерлери Карыялар үйлөрүнүн тургундарына жардам көрсөтүштү

2017-жылдын 16-17-мартында Нооруз майрамынын алдында Кыргызпатенттин кызматкерлери жетекчиликтин демилгеси боюнча Бишкек Карыялар жатак үйүнө  жана Ленин районундагы Карыялар жатак үйүнө жардамдарды көрсөтүштү.

Ун жана макарон азыктары, шекер, май, жууп-тазалоочу жана дезинфекциялоочу каражаттары ж.б., бардыгы болуп 60 миң сомго азык-түлүк жана жууп-тазалагыч товарлар сатып алынган.

Бишкектеги карыялардын жатак үйүндө 214 карыя, шаардын Ленин районундагы Карыялардын жатак үйүндө 50гө жакын карыялар жашайт.

Жогорудагы мекемелердин администрациясы Кыргызпатенттин жамаатына жардам көрсөткөндүгү үчүн ыраазычылыгын билдиришти.