Жаңылыктар

6
Jun

“Алдын ала даярдоочу питчинг”

5-июнда «Стартап Кыргызстан» сынагынын акселерациялык программасынын катышуучулары өз долбоорлорун презентациясы менен чыгып сүйлөгө ылайыкталган, Pitch Deck форматында экинчи ментордук сессия уюштурулду. Командалардын өкүлдөрү эки минут убакыттын ичинде долбоордун концепциясы, продукту монетизациялоонун стратегиясы, максаттуу аудитория тууралуу айтып беришти. Мындан сырткары, чыгып сүйлөө учурунда катышуучулар өздөрүнүн бизнес-пландары, Кыргызпатенттин грантын кандай негизде корото тургандыгы жөнүндө айтып өтүштү.

Ар бир презентациядан кийин Иракли Кашибадзе чыгып сүйлөө боюнча өз пикирин айтып, аны жакшыртуу боюнча сунуш-кеңештерди берди. Спикер чыгып сүйлөөлөрдүн башында эле көйгөйлөрдөн баштоону кеңеш катарында айтып, андан кийин стартап-долбоор түрүндө эффективдүү чечимдерди сунуштады. Ал өз сөзүндө, бизнес-план тууралуу так параметрлерге жана сандарга ээ болуу маанилүү экендигин эскертип, долбоордун баалуу суроо-талаптары жана команданын курамы жөнүндө айтуу керектигин белгиледи. Питчингдин жүрүшүндө спикер, питчке аябай дыкаттык менен даярданып, долбоорду презентациялоонун убактысы чектелүү экендигине байланыштуу, чыгып сүйлөө терең көлөмдүү жана маалыматка бай болушу керектигин, ар бир стартапта көйгөй болот, ошондуктан маселени чечүү үчүн инновациялык чечимдерди сунуштап, команда кантип пайда табары жана аны эмнеге керектей тургандыгын сөзсүз айтууну баса белгиледи.

Онлайн жолугушуунун аягында катышуучулар уюштуруучуларга жана спикерге ыраазычылык билдиришти.

5
Jun

“Кыргызстандын жогорку технологиялар Паркынын ийгиликтүү стартаптары”

4-июнда Кыргызстандын жогорку технологиялар Паркынын (ЖТП) директору  Алтынбек Исмаиловдун спикерлигинин астында «ЖТПнын  ийгиликтүү стартаптары” аталышындагы вебинар өткөрүлдү. Спикер ЖТП жаш стартапчылардын долбоорлорун өркүндөтүү жана нетворкингке болгон мүмкүнчүлүк алуу үчүн аянтча бере тургандыгы тууралуу айтты. Мисал иретинде, ЖТПга жайгашкан, ментордук программаларды ийгиликтүү түрдө функционалдаштырып жана иштеп чыгып жаткан   Techaim коомдук фонду, Techwomen алмашуу программасынын бүтүрүүчү айымдары жана  STEAM чөйрөсүндөгү профессионалдар тууралуу маалымат берип өттү.

Дүйнө идеялардын кризисинде тургандыктан, ар качан амбициялуу болушу керектигин белгиледи, Исмаилов. Ошону менен бирге инвесторлор кандай шарттарда иштеп, стартаптар менен кандай аракетте боло тургандыгы жөнүндө баяндады. Жаңы ишин баштап жаткан стартапчы өзүнүн продуктун ишке киргизип жатканда  ишкердикте тажырыйбасы бар кишинин менторлугуна муктаж болот. Көпчүлүк учурда инвесторлор чет элдик рынокко чыгууну шарттоочу звено болушу ыктымал.

Спикер интестициялардын баскычтары тууралуу да кеп козгоду. Мисалга, ар кайсы инвестор стартаптын ар кайсы этабына чейин каржылашы мүмкүн: концепциядан баштап даяр продукту болгонго чейин. Инвестор продуктун ийгиликтүүлүгүнө кызыкдар жана стартапчылыарга ар тараптуу колдоо көрсөтүшөт. Спикер төмөнкүлөр тууралуу баяндады: Кыргызстан мүмкүнчүлүктөрдөн четте эмес. Ошондуктан, актуалдуу идеялуу кайсы гана стартап болбосун, инвесторлор тарабынан каралат. Ар жылы бүткүл дүйнө жүзүндө стартаптардын өтүнмөлөрү кабыл алынат жана ал жерде ар бир инвестор жакшы продукт үчүн, андан да окутууга жана даярдоого даяр болушат.

Спикер төмөкүлөрдү белгилеп өттү:  Эгер сиздин продукт сиздин, ал эле эмес дүйнөнүн көйгөйүн чече алса – андай идеялар суроо-талапка ээ болот. Мындан сырткары, өзүңүздүн стартабыңыз кандайдыр бир баалуулукту сушуштай ала тургандыгын текшерип, тестирлеп алсаңыз болот. Ал үчүн жөн гана достор арасында   сурамжылоо жүргүзүп көрүп, суроо-талаптын жалпы сүрөттөлүш байкай аласыз. Прототиптин деңгээлинде продуктун рынокко кереги бар же, жоктугу тууралуу билип, көптөгөн милдеттерди аткарса болот.

Жыйынтыгында, мазмундуу, пайдалуу контент жана кайра байланышуу үчүн катышуучулар уюштуруучуларга жана спикерге ыраазычлык билдиришти.

5
Jun

ОшТУнун студенттери үчүн онлайн лекция өткөрүлдү

Кыргыз Республикасына караштуу Интеллектуалдык менчик жана инновациялар мамлекеттик кызматы (Кыргызпатент) 4-июнда М. Адышев атындагы Ош технологиялык университетинини “Дизайн” жана “Транспорттук процесстердин технологиясы” багыттары боюнча 4-курсунун студенттери үчүн “Интеллектуалдык менчиктин негиздери” темасында онлайн лекция өткөрдү. Жалпысынан 26 киши катышты.

Лекциянын максаты – интеллектуалдык менчиктин негиздери жана системасы, аны укуктук коргоо, интеллектуалдык менчик объектилерин коргоо ыкмалары тууралуу маалыматтандыруу.

Лектор катарында Кыргызпатенттин өнөр жай менчигинин объектилерин экспертизалоо бөлүмүнүн башчысы М. Бакиев жана товардык белгилерди экспертизалоо бөлүмүнүн башчысы С. Омокеевдер чыгып сүйлөштү. Алар интеллектуалдык менчиктин негиздери жана системасы, Кыргыз Республикасындагы патенттик системасы жөнүндө баяндашып, товардык белгилерди укуктук коргоо жана сактоо маселелерин кенен түшүндүрүштү. Ошону менен бирге, товардык менчикке өзгөчө укукту мамлекеттик каттоодон өтүү жолу менен гана алса боло тургандыгы белгиленди.

Онлайн жолугушуунун жүрүшүндө, студенттер өздөрү кызыккан, ошондой эле,  өнөр жай үлгүлөрүнө жана товардык белгилерге патент алуу, анын мөөнөтүнө тиешелүү суроолорду беришип, лекторлордон жооп алышты. Лекциянын жыйынтыгында, ОшТУнун студенттери уюштуруучуларга жана лекторлорго ыраазычылык айтышып, онлайн-форматтагы конок лекциялардын уланышына тилектештигин билдиришти.

3
Jun

Көңүл буруңуздар, Көңүл буруңуздар! Кыргызпатент авторлор арасында улуттук сынак жарыялайт!

Сынак төмөнкү номинацияда өткөрүлөт:

1) проза;

2) поэзия;

3) илимий-популярдуу чыгарма;

4) илюстрацияланган балдар көркөм адабияты;

5) альбомдор, каталогдор;

6) социалдык-гуманитардык багыттагы брошюралар, плакаттар, буклеттер.

Иштер 2020-жылдын 15-июнунан 30-ноябрына чейин кабыл алынат. Сынакка курагы 30 жаштан жогорку авторлор катыша алат. Жиберилген чыгармалар мурда эч жерде жарыяланбаган болушу керек!

Сынактын жеңүүчүлөрүнө басма продукциясы түрүндөгү сыйлыктар тапшырылат.

Чыгарманын көлөмү А4 форматтагы Microsoft Word документи тибинде, Times New Roman арибинде, 14-өлчөмдө терилип (саптардын аралыгы – 1,15), 150-600 беттен ашпоого тийиш.

Сынактын жобосу бул жакта

Сынакка Жобонун №1тиркемесине ылайык өтүнмөнү толтуруп, 30-ноябрга чейин Катчылыктын fund@patent.kg электрондук почтасына же болбосо Кыргызпатенттин дарегине: 720021, Бишкек шаары, Москва көчөсү 62 жөнөтүү керек.

Байланыш телефондор: (0312) 68-04-71, (0778) 98-98-08,

(0700) 84-83-29, (0552) 84-83-29

3
Jun

Кезек-кезеги менен өткөрүлчү стартапчыларды онлайн окутуу сериясы уланып жатат

Жаңыдан ишин баштап жаткан көпчүлүк стартапчылар кирешени көбөйтүү маселелерине аз көңүл буруп, көпчүлүк убактысын жаңы кардарларды тартууга коротот. Баарына белгилүү болгондой эле, кардарларды тартуу үчүн тиешелүү бюджет керектелет, а сабаттуу финансылык стратегиясыз эртеби, кечпи, бюджет түгөнүшү мүмкүн. Ошондуктан, кирешени көбөйтүү боюнча сабаттуу стратегия стартап-долбоорду ишке киргизүүдөгү негизги пункт болуп эсептелинет.

Дал ушул тема боюнча кезектеги вебинар өткөрүлдү. Спикер катары Минск шаарындагы ийгиликтүү жашоону үйрөткөн коуч Любовь Гладилина чыгып сүйлөдү. Ал стартап-долбоордун кирешесин көбөйтүүчү маанилүү чечимдер жөнүндө баяндап, финансыны пландоо, негизги максаттарга көнүл буруу, кийинки иш-аракеттерди аныктоо жана ар качан ойлонууну үйрөнүү  тууралуу кенен айтып берди.

Тренинг учурунда спикер баарынан мурун башкы суроого жооп берүүнүн маанилүүлүгүн белгиледи: Кирешенин кереги эмнеде? Маанилүүүсү, акча менен мотивация байланышта болуусу, киреше эмне үчүн керек экендигин жана аны эмнеге короторун так, даана билүүсү керек. Стартапчылар өздөрүнө кызыктуу болгон суроолорго жооп алышты жан вебинардын аягында, спикер өз алдынча билимди тереңдетүүгө багатталган кошумча шилтемелер менен бөлүштү.

Мындан сырткары, КМШ өлкөлөрүн инновациялык өнүктүрүү эл аралык фондунун  директору Гришанов Анатолий Петровичтин спикерлиги астында “Стартап долбоорлорду колдоо механизми” аталышындагы вебинар жогорку деңгээлде өткөрүлдү.

Вебинардын жүрүшүндө спикер Беларустун улуттук инновациялык системасынын негизги өнүгүү багыттары, анын инновациялык инфраструктурасын өзүнө камтыган башкы компоненттери туурасында айтып, инновациялык долбоорлорду ишке ашырууда колдонулган финансылык ресурстарды мисалга келтирүү менен мамлекеттик колдоо алуу мүмкүнчүлүгүн белгиледи. Интерактивдүү формада угуучулардын суроолоруна стартаптарды алгылатуу мүмкүнчүлүгү менен мамлекеттик жана жеке инвестициялоо боюнча каржылык колдоолорду мисал келтирип, кенен жооп берди.

Андан кийинки вебинарга ФПИ Санкт-Петербург жоопкерчилиги чектелген коомунун негиздөөчүлөрүнүн бири Максим Рыжов спикерлик кылды. Негизги сөз “стартап” түшүнүгү боюнча стеоротип жана стартапчылар тууралуу скептикалык көз караштар жөнүндө болду. Ар кайсы жаш курактагы стартапчылардын практикалык көйгөйлөрү көтөрүлдү. Спикер стартап жаш куракка жана идеянын тууралыгынан көз каранды эместигин, ар киши эң бир амбициялуу долбоорду да ишке ашырууга укуктуу жана мүмкүнчүлүк бар экендигин айтып, эң негизгиси, өзүңдү таап, өзүңө төмөнкү суроолорду бериш керектигин белгиледи: Сен кандай жашоодо жашагың келет, кандай шарттарда жана кандай приоритеттерди карманасың? Мындан сырткары, спикер, баары туруксуз болгондугуна байланыштуу, бир эле максат менен чектелбестен, идеялардын горизонтун кеңейтүүдөн коркпош керектигин айтып өттү. Мисалга, стартап ар качан өзгөрүп турат: стартап башталышы кандай экендигине карабастан, жыйынтыгында таанылбагандай түрдө өзгөрүп кетиши толук мүмкүн.

Спикер Россиядагы венчурдук фонддор жана бизнес-ангелдер боюнча жана кызыга турчу вебинарлар туурасында маалымат берип өттү. Убакытты текке кетирбестен, ар кимдин өз кейсин чечмелеген, көйгөйүн чече ала турган вебинарларга катышуу маанилүү экендигин белгиледи.

Трениг кызуу жана эркин форматта өттү. Ар ким өзүнө кызыктуу деген маселелер боюнча спикер менен бирге талкуу жүргүздү. Катышуучулар мотивацияны түзүү жөнүндө суроолорду берип, спикердин стартапты түзүү боюнча жеке тажырыйбасына кызыгышты.

Эскерте кетсек, май жан июнь айларында “Стартап Кыргызстан” сынагынын финалдык бөлүгүндө калыстар тобунун алдында ар бир катышуучу өз долбоорлорун перезентациялоосу үчүн алдын ала даярдоо иштерине байланыштуу,  Кыргызпатент стартап-командалар менен акселерациялык программасын жүргүзүүдө. Ар күн сайын жергидиктүү жана эл аралык, Россия, Беларусь, Казакстан ж.б. өлкөлөрдүн алдыңкы эксперттери менен ар түрдүү онлайн иш-чаралар өткөрүлүп жатат.

2
Jun

Вебинар: “Стартап – жалпы аталыш жана ушул сөзгө скептикалык мамиле”

3-июнда эл аралык эксперт Рыжов Максим Анатольевичтин катышуусунда “Стартап – жалпы аталыш жана ушул сөзгө скептикалык мамиле” аталышындагы вебинар өткөрүү пландалган.

Вебинардан төмөнкү суроолорго жооп аласыз:
– Стартапты кантип ишке ашырууга болот?
– Стартаптын негизги максаты кандай?
– Идеяны ишке ашыруучу аянтча кандай болушу керек?

Спикер тууралуу кыскача:

Рыжов Максим Анатольевич, со-founder OOO «ФПИ» Санкт-Петербург.

29
May

Вебинар: “Долбоорду презентациялоо, пичинг”

Эгерде автор өз оюн туура айтып бере албаган болсо, гениалдуу идея да чыныгы долбоорго айланбай калышы мүмкүн. Дал ошондон көптөгөн мыкты идеялар жөн гана идея бойдон калып калат.

“Стартап Кыргызстан” республикалык сынагынын сынагынын катышуучулары үчүн кезектеги актуалдуу теманы өзүнө камтыган “Долбоорду презентациялоо, пичинг” аталышындагы вебинарды өткөрдүк. Спикер катары Grimwood team студиясынын өнүктүрүү боюнча директору Илья Ануфриев чакырылды жана ал эффективдүү презентациялоодогу тажырыйбасы менен бөлүштү.

Вебинардын жүрүшүндө спикер туура презентациялоонун негизги артыкчылыктары жана стартапчылардын питч-сессиялардагы катачылыктары жөнүндө баяндады. Эксперттин сөзүнө таянсак, долбоор ар тараптуу көрсөтүлсө, негизги идеяны, команданы, максаттуу аудиторияны, көйгөйлөр жана алардын чечүү жолдорун өзүнө камтыган болсо ийгиликтүү презентация болуп саналат, б,а. идея бир гана пайда гана алып келбестен, көйгөйлөрдү да чечүүсү керек. Сипикер төмөнкүлөрдү белгиледи: бардык деталдар эске алынуусу керек, өз убагында сезе билүүсү жана өнөктөштүктө кызматташуу аспекти же, долбоорду тестирлөө шарттары ойлонуштурулушу керектелет.

Питчтин негизги тартиптерине басым коюлду: кыска, чектелүү мөөнөттүн ичинде максималдуу пайдалуу маалыматтарды берүү. Ошол убакыттын аралыгында анча зарыл эмес деталдарды экинчи планга коюп, продукт тууралуу маанилүү деген маалыматтарды айтып үлгүрүү абзел. Эгер презентация аудиторияны кызыктыра алган болсо, спикер өз сөзүндө толук маалыматты суроо-жооп сессиясында кенен айтып бере алат.

Андан кийин презентациянын төмөнкү катачылыктары эске алынды: презентацияны ашыкча оор кылуунун зарылчылыгы жок. Ал локалдуу бойдон калып, бирок эксперттер кызыккан негизги маселелерди өзүнө камтуучу шарт. Дизайн максималдуу жөнөкөй болуш керек. Кардар күткөнүнөн да толумдуу нерсени көрүшү керек. Теманы жетишерлик деңгээлде билбеген киши толкунданып, ачууланып же өз пикиринен чалыштап калат. Питчке өзүн багыттап, презентациянын башкы линиясы жана болжолдуу түрдөгү кошумча берилүүчү суроолорго жооп дайындап, алдын ала даярдануу зарыл.

Бул вебинар кызыктуу жана пайдалуу болду. Анткени, ар бир стартапчынын көпчүлүк учурда кездешкен көйгөйлөрү көтөрүлдү. Катышуучулар өз суроолорун беришип, вебинардын алкагында алган билими алдыда турган “Стартап Кыргызстан” сынагынын финалдык иш-чарасында чыгып сүйлөөгө жакшы инструктаж болуп бере тургандыгын билдиришип, ыраазычылык айтышты.

29
May

Тренинг: “Кирешени көбөйтүүгө себеби болгон маанилүү чечимдер”

Тренинг: “Кирешени көбөйтүүгө себеби болгон маанилүү чечимдер”

Дата: 30.05.2020, 17:00

Спикер: Гладилина Любовь (Ийгиликтүү жашоону үйрөткөн коуч, Минск, Беларусь)

Тел: 0779 527 090

27
May

Амирхан Омаров менен “Казакстандагы стартап экосистеманын өнүгүшү жана анын жетишкендиктери” аталышындагы онлайн жолугушуу

Акселерациялык программанын алкагында, 28-майда, Казакстандык эл аралык эксперт Амирхан Омаров менен онлайн жолугушуу өткөрүлдү.

Эксперт өзүнүн ийгиликтүү стартаптарды ишке киргизүү боюнча тажрыйбасы менен тааныштырып, Казакстандагы стартап экосистеманын өнүгүшү жөнүндө баяндады.

Вебинардын жүрүшүндө спикер Казакстанда стартап экосистеманын ролу жана өнүгүшү, экономиканын локомотиви болушу үчүн эмнелер ушул тармактын өнүгүшүнө жардам берери, венчурдук инвестицияны эмне үчүн керектиги тууралуу айтып, ийгиликке жетүү үчүн мотивациянын зарылчылыгын белгиледи.

Ишканалардын инновациялык ишмердикке катышуусу үчүн шыктандыруу сөзсүз түрдө керек. Дал ушундай мамиле инвестициялардын жаңы жана санариптик технологияларга кызыгуусун камсыздап, өлкөнүн аймагында технологиялык стартаптырдын белгилүүлүгүн жана санын артырат. Көпчүлүк казакстандык стартаптар жергиликтүү рынокко багытталган, бирок глобалдык долбоорлор да бар, деп белгилей кетти. Ошондой ири доборлордун бир роботторду түзүү үчүн балдар топтомун чыгарган Rodo Wunderkind. Долбоор 2013-жылы негизделип, топтомдор АКШ Amazon интернет порталында сатылып жатат.

Омаров Борбор Азиядагы ири коворкинг саналган Smart Point коворкингинин тажырыйбасы менен бөлүштү. Smart Point жалпыга ыңгайлуу жерде жайгашып,  24 офисти, 2 конферец-залын, кофе ичүүчү жана иштөөчү жайларды өзүнө камтыйт. Мындан сырткары, Казакстанда стартапчылардын өнүгүү үчүн эл аралык  Astana Hub IT-технопаркы иш алпарат. Долбоорлордун негиздөөчүлөрү бул жерден өз идеяларын ишке ашыруу үчүн технопарктардын инфраструктурасы, билим берүүчүлүк иш-чаралар, бизге инкубация, акселерация жана иштиктүү байланыштарды түзүү боюнча колдоо ала алышат. Спикер коворкингдин базасында акселератор иш жүргүзүп, окутуучулук жана networking иш-чаралары өткөрүлүп турарын белгиледи.

Амирхан Омаров – BI Group курулуш холдингинин инновациялык бөлүмү болгон IB Innovations инновациялык борборунун башкаруучу директору, Алматы шаарындагы коворкинг борбору жана технологиялык хабынын түзүүсү жана генералдык директору, мындан сырткары, BelnTech Ventures фондунун башкаруучу өнөктөшү болуп саналат. BelnTech Ventures – индустриалдык технологиялык стартаптарды инвестициялар,  Астанадагы жеке стартап-инкубатору жана Кремний өрөөнүндө өкүлчүлүгү бар венчурдук фонд.

Ушул эле күнү эл аралык сертификаттуу долбоордук менеджер Зарина Биюмбаеванын катышуусунда “Стартап Кыргызстан” сынагынын катышуучулары үчүн практикум болуп өттү. Практикумда стартапчылар эксперт менен бирге өздөрүнүн долбоорлорунун иерархиялык түшүлүшүн, максатын жана натыйжаларын талдашты. Тренингде спикер “Тил билсең – дил билесиң!” стартабынын мисалында деталдуу тематиканы иштеп чыкты. Бул долбоор профессионалдуу сүрөтчүлөрдү жана дизайнерлерди тартуу менен мектепке чейинки балдар үчүн кыргыз тили боюнча иш дептерлерди кайра басууга багытталган.

Спикер катышуучуларды күтүлүүчү жыйынтыктарга, долбоорлорду башкаруу инструменттерине ыңгайлашкан максаттуу топторго багыттап, каршы суроолорду берди. Талкуу учурунда Биюмбаева угуучуларга өзүнүн продуктусунун сапатына байланыштуу төмөнкү суроолорду берди:

– Сиздин долбооруңуздун натыйжасы эмне болуп саналат?
– Сиздин долбооруңузга керектүү деңгээл кандай?
– Сапаттын керектүү деңгээлин аныктаңыз.

Лектор катышуучуларга продуктунун  көрсөткүчтөрүн жана сапатынын критерийлерин ар ким өзү үчүн аныктап алуусу керектигин айтып өттү. Мындан сырткары, уюмдардын деңгээлинде  көйгөйлөрдү талдоо инструменти  – Исикава диаграммасы тууралуу айты. Ага дагы көйгөйлөр чагылдырат, бирок алар алдына ала бир нече жааттарга топтоштурулат. Мисалы:
– Методология
– Талаптар
Иштеп чыгуу
Сапатты контролдоо.

Талкуу учурунда спикер иш процессин жакшыртууну шарттаган 25 үнөмдүү өндүрүштүн инструменттери жөнүндө баяндады. Маектешүүнүн соңунда Зарина Биюмбаева өз алдынча изилдөө үчүн кошумча шилтемелер менен бөлүшүп, окуган материалдарды бекемдөө үчүн катышуучуларга үй тапшырмасын берди.

27
May

Pitch Deck форматында ментордук сессия болуп өттү

Ар бир катышуучу өз презентациясы менен чыгып долбоорун тартуулоого мүмкүнчүлүк берген Pitch Deck форматында ментордук сессия болуп өттү. “Стартап Кыргызстан” сынагынын катышуучулары эки минуталык убакыттын ичинде өз долбоорун кайсы этапта экендиги, стартаптарга алга жылдырууга акселерациянын жардамы тууралуу айтып өтүштү. Долбоордун презентациялар аяктаган соң, иш-чаранын катышуучулары спикерден кеңеш алышты. Спикер өз сөзүндө бир гана негизги факторлорго эле, инвесторлор тактай турчу бардык нюанстарды эсептеп чыгып, ар бирине жооп даярдоо керектигин белгиледи.

Мындан сырткары, презентациянын материалдары төмөнкүлөрдү камтышы керектигин айтты: команданын курамы, ийгиликтер, көйгөйлөр жана анын чечүү жолдору. Кашибадзе чыгып сүйлөгөн учурда материалдардын такталган ыкмалары, түшүнүксүз салыштырууларга, т.а., эгер маалыматтан адашып калса, питчтин эффективдүүлүгү нөлгө барабар болуп каларына токтолду.

Онлайн жолугушуунун аягында катышуучулар спикерге жана жолугушуунун уюштуруучуларына ыраазычылык билдиришти.

Белгилей кетсек, ментордук сессия “Стартапты алдын ала баалоо” темасында акселерациялык программанын алкагында “Стартап Кыргызстан” республикалык сынагынын катышуучулары үчүн Грузиялык эл аралык эксперт Иракли Кашибадзенин катышуусу менен өткөрүлдү.

Иракли Кашибадзе бир нече компоненттерди өзүнө камтыган Future Laboratory Georgia консалтинг компаниясынын негиздөөчүсү. Иракли жана анын командасы Грузияда ийгиликтүү түрдө технопарктарды жана инновациялык лабораторияларды ачышкан жана стартаптардын экосистемасы боюнча чоң тажырыйбага ээ.