Жаңылыктар

9
Sep

Улут сыймыгы – комуз!

Өлкө башчысынын Жарлыгына ылайык, Комуз күнүнө карата бүгүн Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы (Кыргызпатент) маданий иш-чара уюштурду.

Маданий иш-чараны Кыргызпатенттин статс-катчысы Талант Конокбаев ачып, өз сөзүндө комуздун кыргыз элинин турмушундагы ролуна кеңири токтолуп өтүү менен, белгилүү комузчулар Карамолдо Орозов, Токтогул Сатылганов, Ниязаалы Борошев, Ыбрай Туманов, Атай Огомбаев сыяктуу залкар инсандарыбыз кыргыз күүсүн байытып, улуттук маданиятыбызды жана баалуулуктарыбызды сактап, муундан-муунга рух табериги катары өткөрүп  келишкенинин баса белгиледи.

Комуз майрамы манасчы Жанат Шакирт уулунун “Манас” айтуусу менен башталды. Андан кийин руханий маданиятыбызды жоготпой, алып жүрүүчүлөрдүн бири, белгилүү комузчу, Кыргыз Республикасынын эмгек сиңирген артисти Рахат Көчөрбаев, маданияттын мыкты кызматкери Фарида Өмүрзакова, белгилүү комузчу Рыспек Жунушев, Б. Бейшеналиева атындагы искусство жана маданият университетинин мугалимдери Асанбай кызы Айпери, Самарбекова Нурпейил, эл оозуна комузчулук өнөрү менен оозго алынып келе жаткан жаш комузчу Жетиген уулу Аскат, Санкт-Петербург шаарындагы А. Герцен атындагы Россия мамлекеттик педагогикалык университетинин студенти Алина Уланова, М. Күрөңкеев атындагы Кыргыз мамлекеттик окуу жайдын студенттери Насиров Руслан, Муратбек уулу Нурдан, кылым карыткан күүлөрдү аткарып берүү менен кыргыз комузунун улуулугун даңазалашты.

“Акак” комузчулар ансамбли А. Огомбаевдин “Маш ботой, Ш. Шеркуловдун “Үч-Муунак” күүсүн жогорку чеберчиликте аткарып беришип, майрамга өзгөчө бир шаң кошту.

Бул күнү Кыргызпатенттин мекемесинде комуз күүлөрү жаңырып турду.  Баардык кыргызстандыктарды комуз майрамы менен куттуктайбыз!

4
Sep

Идеядан ишке киргизүүгө чейин: ийгиликтүү стартапты ишке киргизүү боюнча кеңештер

3-сентябрда Startup Guide онлайн иш-чаралардын алкагында Namba Soft директору Айбек Анваровдун катышуусунда “Идеядан ишке киргизүүгө чейин: ийгиликтүү стартапты ишке киргизүү боюнча кеңештер” аталышындагы вебинар өткөрүлдү.

Стартапты ишке киргизүү бир топ сөзсүз аткарылуучу иш аракеттерди өзүнө камтыйт. Көпчүлүк ишин жаңы баштаган бизнесмендер уникалдуу соода сунуштаманын болушун жетиштүү деп эсептешет. Бирок, жаңы бренддин ийгиликтүүлүгү страт алдында текшерип көрүүчү көптөгөн факторлорго көз каранды – деп, белгилеп өттү спикер өз сөзүндө.

Онлайн долугушуунун жүрүшүндө Айбек, минималдуу, бирок алгачкы керектөөчүлөрдүн муктаждыгын канаттандырууга жетиштүү бизнес моделдер жана турмушка чыдамдуу продуктулар жөнүндө, CustomerDevelopment – идеяны ыкчам тестирлөө тууралуу айтып берди. Долбоорду ишке ашыруу үчүн тестирлөөсүз стартапты ишке киргизүү мүмкүн эмес.

Андан ары спикер угуучуларга максаттуу аудиторияны сурамжылоону жүргүзүүнү сунуш кылды. Анын максаты – кызмат көрсөтүүгө потенциалдуу кызыктар кишилерди тактоо. Мындан сыркары, атаандыштарды талдоо зарыл. Ушул маалыматтар бизнес-пландын негизи болуп берет. Катышуучулар дал ушул методологиялар баштапкы этапта  бардык гипотезалардык тестирлөөдөн өткөрүүгө, баалуу сунуштамаларды аныктоого жана продукту түптөөгө шарт түзөөрү тууралуу билишти. Спикер кантип рынокту изилдөөнүү, атаандаштарды талдоону жүргүзүп, өзүнүн продуктусунун сериялык чыгарылышына чейин артыкчылыгын жана кемчилигин аныктас боло тургандыгын мисал иретинде көрсөтүп берди. Ошону менен бирге, баалуу продуктту түзүүгө шарт түзгөн кардарлар менен кайра байланышууну алуу үчүн алар менен болгон маектердин маанилүүлүгүн эске салды. Тренингдин жүрүшүндө катышуучулар жарыш сөзгө чыгышып, сурооолоруна жооп алышты жана иш-чара пайдалуу жана кызыктуу өткөндүгүн белгилешти.

2
Sep

Вебинар: Стартапка кандай маркетингди колдонуу керек?

«Стартаптын негизги максаты – кардарларды тартуу жана акча табуу. Маркетингдин максаты – ошол кардарларды тартуу жана стартапка пайда табууга көмөктөшүү»

Бүгүн, 2-сентябрда Startup Guide алкагында SMM боюнча адис  Азиз Атавалиевдин катышуусунда кезектеги “Стартапка кандай маркетингди колдонуу керек?” аталышындагы вебинар өткөрүлдү. Стартаптын маркетинги алгач гипотезаларды текшерүүгө жана коммуникациялык оптималдуу каналдарды издөөгө окшош. А продуктту алгалатуу үчүн маркетологду ишти баштап жатканда эле тартуу керектигин спикер өз сөзүндө белгилеп өттү.

Онлайн жолугушуунун жүрүшүндө Азиза Атавалиев төмөнкүлөр жөнүндө айтып берди: максаттуу аудитория бардык маркетингдик ишмердиктин керектүү аспекти болуп эсептелинет. Товардын максаттуу аудиториясынын болушу керектөөчүлөрдүн рыногундагы атаандаш топторго карап иш кылууга, алар үчүн идеалдуу товарды түзүүгө, туура коммуникациялар менен аларга ыңгайлуу жерде сатууга шарт түзөт.

Стартаптын маркетингдик компаниясы, башкалар сыяктуу эле эффективдүүлүк критерийлерин өзүнө камтуусу керек. Маркетолог өзү үчүн KPI (негизги ийгилик көрсөткүчтөрү) аныктап алып, бардык күчтүү максатка жетүүгө багыттап, анан натыйжаларды тестирлөөсү абзел. Тестирлөө кайсы коммуникациялык каналдар жана методдор иштеп жатат, убакытты жана каражаттарды үнөмдөө үчүн эмнелерден баш тартуу керек экендигин аныктоого көмөкчү болот.

Спикер социалдык тармактардын маанилүүлүгүн, алардын компаниянын жаңылыктарын чагылдырууну, маркетингдик активдүүлүктү ананстоону, кардарлар менен түз байланышты колдоону шарттаган негизги акысыз коммуникациялык каналдардын бир болуп эсептелерин белгиледи. Эгер кеп имиджди түзүү, атандаш аудитория үчүн анык бир мессенджерди түптөө тууралуу болсо, анда төмөкү каналдарды колдонуу туура болот: социалдык тармактар, инстаграмм, ЖМК, компаниялардын сайттары, ж.б.  Баракчанын функционалы илгерилетүү стратегиясын түзүүгө, жарнама менен сапаттуу иштөөгө, керектөөчүлөрдү акциялар жана арзандатуулар тууралуу оперативдүү билдирүүгө, жаңы кардарларды тартуу боюнча иш-чараларды ишке ашырууга өбөлгө болот.

Кийинки вебинар, 3-сентябрда “Идеядан ишке ашырууга чейин: жемиштүү стартапты ишке киргизүү боюнча кеңештер” темасында өткөрүлөт.

2
Sep

“Кыргыз Республикасынын эмгек сиңирген ойлоп табуучусу” Ардактуу наамын ыйгарууга сунуштарды кабыл алуу жөнүндө жарыя

“Кыргыз Республикасынын эмгек сиңирген ойлоп табуучусу” Ардактуу наамын ыйгарууга сунуштарды кабыл алуу жөнүндө жарыя

Кыргызпатенттин алдындагы Интеллектуалдык менчик мамлекеттик фонду жарандардын ойлоп табуучулук ишмердүүлүгүнө жана өлкөбүздүн интеллектуалдык потенциалынын өнүгүүсүнө кошкон салымын таануу, ошондой эле сыйлоо максатында “Кыргыз Республикасынын эмгек сиңирген ойлоп табуучусу” Ардактуу наамын ыйгаруу үчүн талапкерлердин сунуштарын кабыл алат.

Кыргыз Республикасынын мамлекеттик сыйлыгына сунуштоо тартиби “Кыргыз Республикасынын мамлекеттик сыйлыктар жөнүндө” Мыйзамына, ошондой эле Кыргыз Республикасынын мамлекеттик сыйлыктар жөнүндөгү Жобосуна ылайык жүргүзүлөт.

Кененирээк: http://cbd.minjust.gov.kg/act/view/ru-ru/111664http://cbd.minjust.gov.kg/act/view/ru-ru/46559

Ардактуу наамды алууга талапкерлигине көрсөтүү укугу Кыргыз Республикасынын министрликтерине, ведомстволоруна, илимий жана илим-изилдөө мекемелерине, илимий-техникалык коомдоруна жана коомдук уюмдарына берилет (мындан ары – Уюмдарга).
Уюмдар сыйлыктардын талапкерлигине бир Талапкерди гана көрсөтүү укугуна ээ.

Талапкерлерди көрсөткөн уюмдардын жетекчисинин колу, мөөрү, күбөлөндүргөн бланкка номинацияны көрсөтүү менен кагаз жүзүндө жана анын электрондук түрүн сунуштайт. Сунушка Окумуштуулар Кеңешинин протоколунун же жалпы эмгек жамаатынын жыйынынын көчүрмөсү тиркелет.

Мамлекеттик сыйлыкка сунушталып жаткан ар бир талапкерге бекитилген үлгүдөгү (№1форма) сыйлык баракчасы, иштеген жеринен талапкерди талкуулоо протоколунун көчүрмөсү, 3х4 өлчөмүндө эки сүрөт, алган сыйлыктардын, патенттердин жана эмгек китепчесинин көчүрмөлөрү нотариалдык жактан күбөлөндүрүлүп жөнөтүлүшү керек.

Кыргызпатенттин Коллегиясынын 2019-жылдын 25-сентябрында №35 токтому менен бекитилген “Кыргыз Респубдикасынын эмгек синирген ойлоп табуучусу” деген ардактуу наамга” талапкерлерди көрсөтүү тартибинин 4, 25 жана 26-пункттарына ылайык:

1. Ардактуу наамды алууга сунушталган материалдарды кароо жана баалоо Кыргызпатенттин алдындагы Ойлоп табуучулар кеңешинин Президиуму тарабынан жүзөгө ашырылат.

2. Кыргызпатент тиешелүү сунуштоону Кыргыз Республикасынын Президентине караштуу Мамлекеттик сыйлыктар боюнча комиссиянын катчылыгына жөнөтөт.

3. Ойлоп табуучулар кеңешинин Президиумунун мүчөлөрү ардак наамга талаптанууга укуксуз.

Кененирээк:http://patent.kg/…/%D0%BF%D0%BE%D0%BB%D0%BE%D0%B6%D0%B5%D0…/

Сунуштар 2020-жылдын 1-ноябрына чейин кабыл алынат.

Документтер төмөндөгү дарек боюнча кабыл алынат:
720021 Бишкек шаары, Москва көчөсү, 62
Сурап билүү телефону: 0312 68 04 71, моб.: 0701 939308 Исманова Урмат
e-mail: urmat.ismanova@patent.kg,
www.fund.patent.kg

2
Sep

ЖАРЫЯ БДИМУнун (ВОИС) Алтын медалы жана/же сыйлыгына жана ЕАПУнун В.И.Блинников атындагы Алтын медалына талапкерлердин сунуштарын кабыл алуу боюнча

ЖАРЫЯ

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын (Кыргызпатент) алдындагы Интеллектуалдык менчик мамлекеттик фонду ойлоп табуучулук, чыгармачылык жана инновациялык ишмердүүлүккө өбөлгө түзүү, ошондой эле ойлоп табуучулардын эмгегин таануу максатында төмөнкү сыйлыктарды ыйгарууга талапкерлердин сунуштарын кабыл алат:

1. БДИМУнун (ВОИС) Алтын медалы жана/же сыйлыгы
Тагыраак: https://www.wipo.int/ip-outreach/ru/awards/

2. ЕАПУнун В.И.Блинников атындагы Алтын медалы
Тагыраак: https://www.eapo.org/ru/documents/norm/medal_polog_2015.html

Талапкерлерди БДИМУнун Алтын медалдын жана/же сыйлыгынын, ошондой эле ЕАПУнун В.И.Блинников атындагы Алтын медалдын талапкерлигине көрсөтүү укугу Кыргыз Республикасынын министрликтерине, ведомстволоруна, илимий жана илим-изилдөө мекемелерине, илимий-техникалык коомдоруна жана коомдук уюмдарына берилет (мындан ары – Уюмдарга). Уюмдар сыйлыктардын талапкерлигине бир Талапкерди гана көрсөтүү укугуна ээ.

Талапкерлерди көрсөткөн уюмдардын жетекчисинин колу, мөөрү, күбөлөндүргөн бланкка номинацияны көрсөтүү менен кагаз жүзүндө жана анын электрондук түрүн сунуштайт. Сунушка Окумуштуулар Кеңешинин протоколунун же жалпы эмгек жамаатынын жыйынынын көчүрмөсү тиркелет.

Кыргызпатенттин Коллегиясынын 2019-жылдын 17-майында № 22 токтому менен бекитилген Сыйлыктарды ыйгарууга талапкерлерди көрсөтүү тартибинин 10, 15 жана 16-пункттарына ылайык:

1. Ойлоп табуучулар Кеңешинин Президиумунун отурумунда сунуштар 2 (экиден) кем эмес учурда гана каралат;

2. В. И. Блинников атындагы Алтын медалынын ээси БДИМУнун Алтын медалына жана/же сыйлыгына 3(үч) жылдан кийин гана талапкер болууга укуктуу;
Ошондой эле, ИМБДУнун Алтын медалын жана/же сыйлыгын алган талапкер ЕАПУнун Алтын медалын ыйгарууга өзүнүн талапкерлигин үч жылдан эрте эмес убакытта көрсөтүүгө укуктуу.

3. Ойлоп табуучулар Кеңешинин Президиумунун мүчөлөрү жогоруда аталган сыйлыктарга талапкер болууга укугу жок.

Кененирээк маалымат:

http://patent.kg/…/%D0%BF%D0%BE%D0%BB%D0%BE%D0%B6%D0%B5%D0…/

Сунуштар, документтер 2020-жылдын 1-ноябрына чейин
төмөндөгү дарек боюнча кабыл алынат:

720021 Бишкек шаары, Москва көчөсү, 62

Сурап билүү телефону: 0312 68 04 71, моб.: 0701 939308 Исманова Урмат

e-mail: urmat.ismanova@patent.kg,
www.fund.patent.kg

28
Aug

Онлайн-курс на тему: «ИНТЕЛЛЕКТУАЛЬНАЯ СОБСТВЕННОСТЬ ДЛЯ МАЛОГО И СРЕДНЕГО БИЗНЕСА»

Государственная Служба Интеллектуальной Собственности и Инноваций при Правительстве КР совместно с Центром бизнес-образования ТПП КР проведет краткосрочный онлайн-курс на тему:

«ИНТЕЛЛЕКТУАЛЬНАЯ СОБСТВЕННОСТЬ ДЛЯ МАЛОГО И СРЕДНЕГО БИЗНЕСА»

Приглашаем принять участие!

Целевая аудитория курса: Руководители и владельцы субъектов малого и среднего предпринимательства, специалисты по маркетингу, экспорту, а также люди, принимающие решения по развитию экспортной и внешнеэкономической деятельности.

Дата проведения: С 15 по 17 сентября 2020г.

Расписание:

15 сентября: 11:00-15:40

16 сентября: 11:00-15:00

17 сентября: 11:00-14:30

Формат: онлайн

Платформа: ZOOM (участникам будет отправлена ссылка заранее)

В результате краткосрочного курса Вы:

  • сможете проводить грамотную работу по регистрации товарных знаков на всех стадиях;
  • поймете место товарного знака в системе интеллектуальной собственности;
  • узнаете процедуры регистрации товарных знаков в КР;
  • познакомитесь с основами права интеллектуальной собственности КР;
  • проанализируете практику применения конкретных норм авторского и смежных прав;
  • обсудите практические проблемы, возникающие в сфере применения права интеллектуальной собственности.

Лекторы курса:

Эльмар Мукамбетов – начальник управления экспертизы,  имеет стаж работы 22 года в системе Кыргызпатента. Внес значительный вклад в разработку нормативной правовой базы по вопросам объектов интеллектуальной собственности.

Бакиев Мирлан Зарлыкович –  заведующий отделом экспертизы объектов промышленной собственности Управления экспертизы.

Кармышева Мадина Джайлебаевна – заведующий сектором традиционных знаний

Мустапакулова Айсулуу Пайгамбаркуловна  – заведующий отделом инноваций. Имеет стаж работы более 10 лет в системе Кыргызпатента.

Шадыканова Айзат Бактыбековна – главный специалист отдела осуществления прав интеллектуальной собственности Управления права. Имеет солидный стаж работы в системе Кыргызпатента.

Другие лекторы – сотрудники сотрудники и эксперты Кыргызпатента.

РЕГИСТРАЦИОННЫЙ ВЗНОС в ТПП КР: 300 сом с человека.

Крайний срок регистрации и оплаты: 11 сентября!

РЕГИСТРАЦИЯ ПО ССЫЛКЕ:  https://forms.gle/DiSJsgXFMvJeHp6f8

Или по следующим контактам:

Телефон: 0312 901-520, 0779 866-913( есть ВатсАп),

 Эл.почта: training@cci.kg

28
Aug

Вебинар: n.cubator-ишкердикди өнүктүрүү боюнча платформа

Startup Guide вебинарлар сериясынын алкагында 27-августта Украинадан конокко чакырылган эксперт, n.cubator – стартаптар үчүн интерактивдик программасынын негиздөөчүсү Дмитрий Швец чыгып сүйлөдү.

n.cubator – Украинанын жана дүйнөнүн экосистемасынын негизги катышуучуларынын (инвесторлор, донорлор, мамлекеттик органдар жана жогорку окуу жайлары) башын бириктирген, ыктыярдуу ишкердикти өнүктүрүү боюнча эл аралык окутуучулук платформа.

Спикер стартаптарга арналган бизнес-симуляцияларды колдонуу жана окутуунун эффективдүүлүгү үчүн ушул ыкманын артыкчылыгы тууралуу айтып берди.

Бизнес-симуляция бизнес-ыкты өнүктүрүүнүн ажырагыс бөлүгү катары кызмат кылат. Анын геймифицирилген чөйрөсү чакан нюанстарда технологиялык жана бизнес-процесстерди түптөйт жана процесс учурунда катышуучулардын тобокелчиликтер менен таанышып чыгуусуна, сабаттуу бизнес-чечимдерди чыгарууну үйрөнүшүнө шарт түзөт. Ар бир ишкер өздөштүрүүсү керек болгон реалдуу бизнес-процесстерге жөлөк болуу.

Катышуучуларды n.cubator акселерациялык программасы жана анын окутуу ыкмасынын өзгөлүктөрү тууралуу маалымат кызыктырды. Спикер угуучулардын бардык суроолоруна жооп берип, Кыргызпатент тарабынан уюштурулуучу онлайн жолугушууларга катышууга ар качан даяр экендигин билдирди.

Участников вебинара интересовали акселерационные программы n.cubator и их особенные подходы к обучению.

27
Aug

“Стартап Кыргызстан” республикалык сынагынын жеңүүчүлөрү менен келишимдерге кол коюу салсанаты өткөрүлдү

Бүгүн, 27-август күнү “Стартап Кыргызстан” республикалык сынагынын жеңүүчүлөрү менен келишимдерге кол коюу салсанаты өткөрүлдү.🌻 Мамлекеттик грант долбоорлорду ишке ашырууга багытталган.

Мурда белгилеп кеткендей, Кыргызпатент тарабынан алгачкы ирет өткөрүлгөн бул сынак бизнес жүргүзүүнүн жаңы жана тиешелүү деңгээлде жакшыртылган чечимдеринин жана моделдеринин жардамы менен келечектүү делген стартап-долбоорлордуишке ашырууга, инновациялык ишмердикти өнүктүрүүгө жана өлкөдөгү ишмердигин жүргүзүп жаткан индустриянын эффективдүүлүгүн жакшыртууга багытталган инновация чөйрөсүндөгү мамлекеттик колдоо болуп саналат.

Төмөнкү жеңүүчү аталган 2 долбоордун авторлору менен келишимге кол коюлду:

1) Сагыналиева Лунара Мырзабековна, «Quick Expert» долбоору (кеңеш берүүлөр үчүн жана фрилансерлердин кызмат көрсөтүүлөрү үчүн электрондук сервис-аянтча) – 500 000 сом;

2) Алиев Нурсултан Алмаспекович, «Azyk.Store» долбоору (товарларды дүңүнөн тапшырык кылуу үчүн онлайн-платформа) – 300 000 сом.

Ушул мезгилден тарта жеңүүчулөр үчүн ишмердиктин дагы бир жаңы барагы ачылат. Аларга ийгиликтерди жана өнүгүп-өсүүнү каалайбыз!

Дал ушул стартаптардын ийгиликтүү ишке ашуусуна көз салып, алар тууралуу сиздерге бөлүшүп турабыз.

27
Aug

ТИКБнын координаторлору жана колдонуучулары үчүн “Espacenet издөө системасында патенттик издөөнү жүргүзүү” темасында вебинар өткөрүлдү

2020-жылдын 26-августтунда  ТИКБнын координаторлору жана колдонуучулары үчүн “Espacenet издөө системасында патенттик издөөнү жүргүзүү” темасында вебинар өткөрүлдү.

Вебинардын максаты – Espacenet издөө системасында патенттик маалыматтарды жана патенттик издөө инструменттерин пайдаланууга байланыштуу практикалык маселелерди талкуулоо.

Вебианрдын жүрүшүндө Өнөр жай менчигинин федералдык институтунун (ФИПС-ӨмФИ) интеллектуалдык менчик жаатындагы маалыматтык ресурстарды, классификациялык системаларды жана стандарттарды өнүктүрүү бөлүмүнүн илимий кызматкери Т.Д. Васильева Европа патенттик ведомствосунун (ЕПВ) “Espacenet” маалымат базасынын жаңы версиясы, европалык патенттик маалыматтар базасындагы патенттик маалыматтар боюнча илими-техникалык маалыматтарды издөөгө мүмкүндүк берген интернет-сервистин издөө мүмкүнчүлүктөрү, мындан сырткары, издөө натыйжасы менен иштөө жана толтуруу тууралуу айтып берди. Катышуучулар тарабынан ЕПВнын маалыматтар базасында, анын ичинде патенттик классификациялар менен бирге (СРС) ар түрдүү патенттик издөөлөрдү жүргүзүүнүн мисалдары каралды.

Иш-чарага ТИКБнын координаторлору жана колдонуучулары, Кыргызпатенттин структуралык бөлүмдөрүнүн, ведоство алдындагы мекемелердин кызматкерлери жана Роспатенттин эксперттери, жалпысынан 36 киши катышты.

Иш-чара мындан мурун Россия Федерациясынын Кыргыз Республикасындагы жана Кыргыз Республикасынын Россия Федерациясындагы  эриш-аркак жылынын алкагында өткөрүлгөн Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын (Кыргызпатент) төрагасы менен Россия Федарациясынын интеллектуалдык менчик боюнча федералдык кызматынын (Роспатент) башчысынын онлайн жолугушуусунун жыйынтыгы боюнча өткөрүлдү.

 

Маалымат иретинде:

“Espacenet” маалымат базасы – 1998-жылы түзүлгөн, акысыз түрдө колдонсо боло турчу жалпыга жеткиликтүү электрондук ресурс. Базага болгон мүмкүнчүлүктү ЕПВнын же Өнөр жай менчигинин федералдык институтунун (ФИПС-ӨмФИ) сайтынан алса болот.

Серверде орусиялык патенттик маалыматтар менен иштөөдө төмөнкүлөр камсыздалган:

– ойлоп табуулардын текстерин, баяндамаларын жана формулаларын көрүү;

– текст боюнча толук баяндаманы издөө;

– компаниянын оргиналдуу аталыштары, ойлоп табуучулардын аты-жөнү аркылуу издөө жүргузүү (Мисалы, BASF, Smith).

Сервердин кошумча жаңы мүмкүнчүлүктөрү:

– тилдик сурамдарды пайдалануу мүмкүнчүлүгү аркылуу интеллектуалдык издөө, анын ичинде орус тилиндеги маалыматтар боюнча;

– даталардын диапозонунда издөө;

– ойлоп табуулардын толук баяндалышын PDF форматында сактоо;

– сервердеги Сиз койгон критерийлерге жооп берген (RSS технологиясы) патенттик документтердин жаңылануусу тууралуу маалымат берүүлөргө катталуу;

– издөө натыйжасын иргөө;

– сурамдардын таржымалын сактоо;

– издөө натыйжаларынын тизмегин экспорттоо.

26
Aug

Стартап-долбоорлорду башкарунун өзгөчөлүктөрү

Бүгүнкү күндө долбоорлорду башкаруу эң бир тез өнүгүп келе жаткан башкаруучулук дисциплинанын бир болуп саналат. Заманбап шартта атаандаштык кармашта алдыда болуу үчүн долбоорлордун жыйынтыктоочу натыйжага багытталган ыкмасын өзгөчөлүгүнө шайкеш келтирүү зарыл.

Бүгүн, 26-август күнү Startup Guide онлайн иш-чаралардын алкагында Казакстандык эл аралык эксперттин катышуусунда “Долбоорлорду башкарунун өзгөчөлүктөрү” аталышындагы актуалдуу тематикадагы кезектеги вебинар өткөрүлдү.

Зарина Биюмбаева – долбоорлорду башкаруу боюнча эл аралык сертификаттуу долбоордук эксперт, эл аралык “SAGE Kazakhstan” долбоорунун эксперттик комиссиясынын төрагасы.

Өз кезегинде спикердолбоорлорду башкаруунун башкы аспекттерине токтолду: ар бир долбоор ишке ашыруу процессинде белгилүү баскычтарды басып өтөт. Дал ушул долбоордун жашоо циклин түзөт. Долбоорду башкаруу анын жашоо циклинин ар бир баскычында эффективдүү болуусу зарыл. Тренер долбоордун жашоо циклинин маанилүүлүгүнө көңүл бурду. Анткени даярдануунун милдети жана процесси, башкаруу чечимдерин кабыл алуу, колдонулган методикалар жана инструменталдык каражаттар долбоордун учурдагы баскычын аныктайт. Долбоорлор менен иштөөдөгү төмөнкү негизги өзгөчөлүктөр белгиленди:

• долбоорду жашоо циклинин аягына чейин башкарып, үзгүлтүксүз коплекстик пландоонуу жана контролду долбоордун башталышынан аягына чейин жүргүзүү керек;
• долбоорду башкаруу процессинде долбоордун наныйжасына да, долбоорду тузүү процессине да бирдей көңүл бурулуусу шарт;
• долбоорду ишке ашыруу учурундагы чечимдерге караганда долбоордун баштапкы фазасында чыгарылган чечимдер долбоордун жыйынтыктоо убактысына жана анын жалпы баасына чоң таасирин тийгизет.

Мындан сырткары, тренер угуучуларды адамдык ресурстарды башкаруу менен да тааныштырды.

Долбоордун адамдык ресурстарын башкаруу төмөкүлөрдөн турат.

• уюштуруучулук пландоо – долбоордук ролдорду, жоопкерчиликти жана отчеттук мамилени аныктоо, документтештирүү жана белгилөө.
• Персоналды дайындоо – долбоор менен иштөө жана дайындоолорду жүргүзүү үчүн керектүү адамдык ресурстарды тартуу.
• Команданын өнүгүшү – долбоорду аткарууну жакшыртуу максатында индивидуалдык жана топтук компетенцияны өнүктүрүү.

Катышуучулар жаңычылдык, өзгөчөлүк, так максат, белгилүү убакытка чектелүү, керектелген ресурстардын чектелүүлүгү, көйгөйлөрдү чечүү комплекси долбоордун негизиги белгилеринен экендигин түшүнүштү. Онлайн жолугушууда катышуучулар кызыккан суроллорун узатышып, аларга жооп ала алышты.