“3D басуу технологиясы” аталышындагы вебинар өткөрүлдү

Кыргызпатент жана Жогорку технологиялар паркы тарабынан уюштурулган “3D басуу технологиясы” аталышындагы вебинар өткөрүлдү.
Спикер катарында чыгып сүйлөгөн, 3D басуудагы таанымал эксперт, “Робоскай” компаниянын директору Санжар Жумабеков 3D басуу деген эмне? Буюмду түзүү процесси кандай өтөт? 3D басууда эмнени эсепке алуу керек? Ушул жана башка суроолорго жооп берди.

Өз сөзүндө спикер  3D принтерлеринин техникалык мүнөздөмөлөрү жана негизги иштөө принциптерине,  Repetier-Host слайсери менен иштөөгө, басуу параметрлерин жөндөөгө, Autodesk программалык продуктуларынан моделдерди жүктөөгө токтолуп, 3D принтерлерин машина курууда колдонуу варианттары тууралуу айтып берди. Вебинардын жүрүшүндө Санжар Жумабеков 3D басуу технологиясынын негиздери жана алардын өзгөчөлүктөрү жөнүндө баяндап, белгилүү FDM басууну мисал келтирди. FDM технологиясы цифралык моделдердин контурун кайталаган, материалдын катмарын ырааттуу каптоо менен   үч ирет өлчөнүүчү объектилерди түзөт.

Белгилей кетсек, материал катары аддитивдүү өндүрүштө кенен пайдаланылган термопластик колдонулат (цифралык файлдан үч ирет өлчөнүүчү объектини даярдоо процесси)

Спикер пластиктердин түрлөрү жана анын курамы жөнүндө айтып, FDM технологиясы менен басуу ишинде колдонулган PLA жана ABS пластиктерин мисал келтирди. Алар окшош курамга ээ, мисалы, эки материал тең ысытканда ийкемдүү болуп, муздатканда формасын сактайт жана басып чыгаруу процессине окшош. Бирок бул пластиктердин айырмачылыгын да билүү керек. PLA (PolyLactic Acid) – негизинен жүгөрү крахмалынан өндүрүлгөн биоажыратуучу пластик болуп эсептелет. Басуу учурунда материал эриген пластик жыттанбайт жана ABS ге салыштырмалуу экологиялык жактан таза болуп эсептелинет. А ABS (Acrylonitrile-Butadiene Styrene) – тиричилик аспаптарын жана электр жабдыктарын жасоого ылайыкташтырылган катуу материал. Мындан сырткары, спикер 3D басууну жакшы желдетилген имаратта жүргүзүү керектигин белгиледи.

3D басууга киришердин алдында үч ирет өлчөнүүчү объектини түзгөн 3D моделди алуу керек. Ал үчүн спикер андан аркы басуу үчүн даяр фигуралардын үлгүлөрү бар thingiverse.com сайтын, ал эми 3D моделдештирүүнү окуу боюнча акысыз ресурска ээ tinkercad.com сайтын сунуштады. Сайттан кантип таап, андан ары кандай иш алпарыш керектигин экрандан көрсөтүп берди. Аталган сайт үйрөнүүгө жөнөкөй жана ыңгайлуу. Анткени, анын жардамы менен өз моделиңди түзүп, 3D басууга жиберсе болот.

Алган билимдер катышуучулар үчүн аябай керектелет, Кыргызпатенттин инновациялык борборунун адистери тарабынан FabLab жана YouthLab дын ишинде колдонулат. Аткарылган иштер жана актуалдуу тема үчүн өнөктөштөргө жана спикерге ыраазычылык билдиребиз.

Поделиться ссылкой:

Comments are closed.