Идеядан кирешеге чейин: чакан жана орто ишканаларда инновациялык өнүгүүнүн кластерлерин уюштуруудагы ойлоп табуучулуктун ролу

2018-жылдын 23-ноябрында Региондорду өнүктүрүү жылынын алкагында Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматы (Кыргызпатент) Ош шаарындагы Кыргыз-Өзбек университетинин имаратында “Идеядан кирешеге чейин: чакан жана орто ишканаларда инновациялык өнүгүүнүн кластерлерин уюштуруудагы ойлоп табуучулуктун ролу” семинарын өткөрдү.  

 Иш-чараны өткөрүүнүн максаты ойлоп табуучулук жана бизнес-коомдоштуктардын ортосунда байланыштарды орнотуу, биринчи иретте чакан жана орто ишканалардын атаандаштык чөйрөсүн түзүү жана колдоо үчүн, инновациялык өнүгүүнүн кластерлерин уюштуруудагы ойлоп табуучулуктун ролу жөнүндө маалыматтарды жеткирүү болуп саналат.

Иш-чарада чакан жана орто ишканаларды кластерлерге бириктирүү жолу менен, аларды өнүктүрүүдө ички түрткү берүүнүн зарылдыгына басым жасалды, өз учурунда ал ушул жааттагы иштерди активдештирүүгө мүмкүндүк түзүп, ата-мекендик ишканалардын атаандаштыгын бекемдейт жана тармактык экономиканын өнүгүүсүн тездетет.

Чакан жана орто ишканалардын атаандаштыгын жогорулатуунун инновациялык ыкмаларын жана механизмдерин колдонуу аймактарды туруктуу өнүктүрүүнүн башкы милдеттеринин бири болуп саналат. Адаттагыдай кичи бизнес ийкемдүүлүк жана ыкчамдуулук менен мүнөздөлөт, алар регионалдык өнүгүүнүн кластерлерин калыптандырууда  негизги шарты болуп саналат.

Семинардын жүрүшүндө “Мыкты инновациялык долбоор” республикалык конкурсунун алкагында ишке ашырылган инновациялык долбоорлор боюнча чыгырыктар көрсөтүлүп, катышуучулар долбоорлор менен таанышып, аларды коммерциялаштыруу жана өндүрүү үчүн шарттарды түзүү зарылдыгы жөнүндө маселелерди көтөрүштү.

Семинардын ишине Кыргыз Республикасынын Улуттук илимдер академиясынын, Ош шаарынын мэриясынын жана ишкерлер ассоциациясынын өкүлдөрү, ойлоп табуучулар, ОшТУнун, ОшМУнун, ЖАМУнун окумуштуулары жана аспиранттары катышты.

 

Гүлбара Кудайбердиева,

Кыргызпатенттин басма сөз катчысы

Comments are closed.