Кыргызпатент күнөсканаларда жана ачык айдоо  жерлерде  топурактын асылдуулугун жана айыл чарба өсүмдүктөрүнүн түшүмдүүлүгүн жогорулатуучу  жаңы инновациялык долбоорунун бет ачарын өткөрдү

2018-жылдын 20-ноябрында Кыргызпатент күнөсканаларда жана ачык айдоо  жерлерде  топурактын асылдуулугун жана айыл чарба өсүмдүктөрүнүн түшүмдүүлүгүн жогорулатуучу  жаңы “Ростин” био-жер семирткичинин өнөр жайлык партиясын түзүүгө багытталган инновациялык долбоорунун бет ачарын өткөрдү.

Мындай новатордук  иштеп чыгуулардын зарылдыгы дээрлик бардык региондордо кыртыштын асылдуулугунун туруктуу төмөндөп кетүү кырдаалынан келип чыккан. Айрым аймактарда, айдоо жерлердин арыкташы кооптуу  деңгээлге  жеткен. Сазга айлануу жана шорлуулук  процесстеринин күчөшү, суу жана шамал эрозиясына дуушар  болгон  кыртыштардын кеңейиши   бара-бара айдоо жерлеринин аянтынын  кыскарышына  алып келген. Андан сырткары, талааларда өтө жагымсыз  фитосанитардык  жагдай түзүлүп, көп сандаган зыянкечтер жана өсүмдүктөрдүн илдеттери көбөйүүдө. Монокультураларды  отургузуу, которуштуруп айдоонун системасынын жоктугу топурактын жакырданышына алып келген.

“Ростин” био-жер семирткичи уруктарды жана көчөттөрдү айдоо алдында иштетүү, жашылча жемиш, дан жана гүл өсүмдүктөрүнүн тамырларын кошумча  азыктандыруу, ошондой эле өсүмдүктөрдүн өсүү жана өрчүү мезгилинде пайда болгон бактериялык жана бөтөнчө микроорганизмдерин себип-чачууга арналган.

Гүлбара Кудайбердиева,

Кыргызпатенттин басма сөз катчысы

Comments are closed.