Окуучулар үчүн билим арттыруучу иш-чара болуп өттү

2017-жылдын 15-мартында 2017-2021 – жылдарга Интеллектуалдык менчик жана инновацияларды өнүктүрүү мамлекеттик программасын ишке ашыруунун алкагында Кыргызпатентке караштуу Мамлекеттик патенттик-техникалык китепканасы (МПТК) “Бирге окуйбуз, бирге ойлоп табабыз” билим арттыруучу иш-чарасын өткөрдү.

Иш-чара интеллектуалдык менчик маселелери боюнча слайд-шоу,  викторинадан турду жана интеллектуалдык менчик маселелери боюнча өсүп келе жаткан муундун арасында пропагандалоо максатында өткөрүлдү. Иш-чарага “Учкун” жаңы конушунун № 89 мектебинин 9 – классынын окуучулары катышты.

Балдар китепканада окурмандын колуна тийгенге чейин китеп кандай жолду басып өтөрү, китепканада керектүү китепти же документти кантип табуу керектиги жөнүндө билишти. Балдар маалымат агынында туура багытын табууну үйрөнгөн соң, балдар изилдөө иштеринде жана өзүнчө билим алуу үчүн керектүү ыкмаларга ээ болушат. Андан кийин окуучулардын назарына “Интеллектуалдык менчик бүгүн жана эртең”, “Дүйнөнү өзгөрткөн ойлоп табуулар” слайд-викториналары тартууланды. Балдар бүткүл дүйнөнү өзгөрткөн ойлоп табуулар, интеллектуалдык менчик объектилери, коомдун өнүгүүсүндө интеллектуалдык менчиктин ролу жөнүндө билишти, андан кийин викторинанын суроолоруна жооп беришти.

Бул жолугушуу мектептин директору Ж. Сапалованын абдан чоң колдоосунда өткөрүлдү, ал үчүн ага чоң ыраазычылыгыбызды билдиребиз.

Поделиться ссылкой:

Comments are closed.